PARIS- Presidenti francez, François Hollande njoftoi sot se i kishte hapur dritën e gjelbër goditjeve ajrore për të luftuar kundër xhihadistëve të Shtetit Islamik në Irak duke theksuar se Franca nuk do të angazhonte trupa tokësore.
"Sot kam mbledhur Këshillin e Mbrojtjes dhe vendosa t'i përgjigjem kërkesës së autoriteteve irakiane për të dhënë mbështetjen ajrore në luftën kundër xhihadistëve", deklaroi Hollande në një konferencë shtypi duke shtuar "nuk do të shkojmë përtej kësaj, nuk do të ketë trupa tokësore dhe do të ndërhyjmë vetëm në Irak"./ATSH/.