Francë, Macron: Lufta ndaj
terrorizmit do të jetë prioritet

Presidenti francez, Emmanuel Macron, gjatë një fjalimi përpara Ambasadorëve të Francës në Paris, ka deklaruar se lufta ndaj terrorizmit islamik duhet të jetë prioritet i diplomacisë së vendit.

“Siguria e francezëve është arsyeja e të ekzistuarit e diplomacisë sonë. Kjo nevojë është e rëndësishme”, deklaroi Macron, i cili shtoi se Franca duhej të përgjigjej pa asnjë hezitim.

Franca ka kaluar në një gjendje të lartë alarmi për sa i përket sigurisë, që prej sulmeve të 2015 në Paris, ku humbën jetën 293 persona.

Pas sulmeve terroriste, Franca ka shtuar numrin e forcave të policisë si dhe trupat e ushtrisë për të parandaluar sulme të mundshme terroriste.

Sulmi që ndodhi në Barcelonë më herët gjatë këtij muaji, ka bërë që e gjitha Europa të shtojë vëmendjen për sulme terroriste, ku shumë shtete të BE-së kanë shtuar forcat e sigurisë në qytetet e tyre që kanë përqendrim të madh njerëzish.

 Redaksia Online
E.J/ Shqiptarja.com