E rëndë në Francë/ Po transportonin të burgosurin me furgon, i zunë pritë, vriten 2 policë (VIDEO)

Të paktën 2 oficerë të administratës së burgut u vranë  në “Eure” pasi furgoni me të cilin po transportonin një të burgosur u sulmua.

Mediat franceze shkruajnë se 2 efektivë janë vrarë dhe 3 janë të plagosur rëndë.

I burgosuri u arratis, ndërsa ministri i Brendshëm, Zherald Darmanë, njoftoi se po bëhen të gjitha përpjekjet për të gjetur kriminelët.

I arratisuri është identifikuar si Mohamed Amra, i njohur me pseudonimin “miza”, ishte i dënuar me 18 muaj për akuzën tentativë vrasje.

Sulmi dyshohet se u krijua nga një grup kriminelësh numri i të cilëve nuk dihet, por mësohet se ata kanë përdorur 2 automjete për krimin.

Pas kësaj ngjarje ka reaguar edhe presidenti francez Emmanuel Macron në llogarinë e tij X, duke u shprehur se vrasja e punonjësve të burgut është një tronditje e madhe.

“Sulmi i mëngjesit të sotëm, i cili shkaktoi vdekjen e disa punonjësve të burgut, është tronditje për të gjithë ne. Kombi qëndron pranë familjeve, të plagosurve dhe kolegëve të tyre. Po bëhet gjithçka për të gjetur autorët e këtij krimi, në mënyrë që të drejtësia bëhet në emër të popullit francez”, shkruan Macron.

Rendit zhvillimet sipas orarit:

Të Fundit Të Parat

Xh.K/Shqiptarja.com

TAG:
• atentat
• polici
• france