Francë, rritet zemërimi për gënjeshtrat e nxënëses që çuan në vrasjen e Samuel Paty

Gënjeshtra e nxënëses së mësuesit francez Samuel Paty, të cilit iu pre koka ka shkaktuar valë të shumta zemërimi në Francë.  Paty, mësues i shkollës fillore afër Parisit u vra në tetor të vitit të kaluar nga një adoleshent radikal çeçen, pas shfaqjes së karikaturave të Profetit Muhamed në një orë mësimi për lirinë e shprehjes.

Vajza 13-vjeçare i ka thënë policisë se ka gënjyer për pjesëmarrjen në klasë dhe ka akuzuar mësuesin, i cili u ka kërkuar fëmijëve myslimanë që të dalin nga klasa, teksa ka treguar fotografitë.

Babai i saj, i cili është akuzuar për lidhje me vrasjen, kishte postuar disa materiale në Facebook, duke u bazuar në dëshminë e vajzës së tij.

“Gjithçka në hetime ka treguar shumë herët se ata kanë gënjyer” ka thënë avokatja e familjes Virginie Le Roy për radion RTL të martën. Ajo ka thënë se ka qenë “skeptike” për mënyrën e tregimit të ngjarjeve nga vajza, e cila ka thënë se e ka konsideruar veten si zëdhënëse të nxënësve tjerë dhe ka dëshiruar të impresionojë babain e saj.

“Zëdhënëse për çfarë? Gënjeshtra, ngjarje që nuk kanë ndodhur kurrë? Ky sqarim nuk më bind mua dhe më zemëron, sepse faktet janë serioze, janë tragjike”, ka thënë Le Roy.

Vrasja e Paty ka shokuar Francën dhe ka rezultuar me debate të reja për lirinë e shprehjes, integrimin e popullsisë së konsiderueshme myslimane në Francë dhe rolin e rrjeteve sociale në nxitje të urrejtjes.

TAG:
• france
• samuel paty