FRANCË-Sipas një sondazhi të IFOP-së, të publikuar ditën e djeshme,liderja e ekstremit të djathtë, Mari Le Pen dhe kandidati i pavarur, Emmanuel Macron, do të jenë kandidatët që do të përballen në raundin e dytë të zgjedhjeve presidenciale në Francë.

Sipas këtij sondazhi, raundin e dytë të zgjedhjeve presidenciale, raund i cili do të përcaktojë presidentin e ri  të vendin, do të fitohet lehtësisht nga Emmanuel Macron.

Rezultatet e sondazhit të IFOP-së, tregojnë se në raundin e parë të zgjedhjeve, i cili zhvillohet më 23 prill, do të jetë Le Pen ajo që do të kryesojë, me 26% të votave dhe në vend të dytë do të jetë Marcon me 21% të votave.

Ndërkohë kandidati i të djathtës, Francois Fillon, do të dalë në vendin e tretë me vetëm 18,5% të votave.

Ndërkohë në raundin e dytë, sipas këtij sondazhi, do të jetë Marcon i cili do të sigurojë 64%  të votave dhe Le Pen do të marrë vetëm 36%.

Redaksia Online
D.T/Shqiptarja.com