TIRANE- Kandidati për deputet i Frymës së Re Demokratike i plagosur mbrëmjen e djeshme në Roskovec, Fier, pas goditjes nga 3 persona, ka mbërritur në Tiranë për mjekim të specializuar.
 
Mit’hat Hoxha, i cili u dhunua fizikisht dje, kurohej në spitalin rajonal të Fierit, dhe mjekët thanë se ndodhet jashtë rrezikut për jetën.
 
Kandidati për deputet i FRD-së ka marrë disa plagë në trup edhe në fytyrë nga goditjet.
 
Pas mbërritjes për kurim më të specializuar në Tiranë, Hoxha është vizituar edhe nga kreu i FRD-së, Bamir Topi.

Redaksia Online
(e.s/shqiptarja.com)