POP 5

Lajmet më të lexuara të 5 minutave të fundit

Politikë

FRD nuk hyn në Parlament
por i heq dy mandate të djathtës

Fryma e re Demokratike ka arritur të mbledhë rreth 30 mijë vota në të gjithë vendin në zgjedhjet e 23 qershorit, por këto vota nuk u përkthyen në mandate. Në këtë mënyrë, sfida e partisë së ish-presidentit Bamir Topi, që FRD të kandidonte e vetme mes dy blloqeve të mëdha nuk dha rezultat, por i hoqi të djathtës 2 mandate.
TIRANE- Fryma e re Demokratike ka arritur të mbledhë rreth 30 mijë vota në të gjithë vendin në zgjedhjet e 23 qershorit, por këto vota nuk u përkthyen në mandate. Në këtë mënyrë, sfida e partisë së ish-presidentit Bamir Topi, që FRD të kandidonte e vetme mes dy blloqeve të mëdha nuk dha rezultat.
 
E megjithatë këto vota të fituara nga FRD në të gjithë vendin, i kanë shkaktuar një humbje jo të vogël koalicionit të djathtë.
 
FRD nuk mundi të kapërcente pragun e votave në qarkun e Tiranës, ku kandidonte edhe kryetari i saj, Bamir Topi; apo në qarkun e Durrësit, Vlorës dhe Korçës, në mënyrë që të merrte një mandat. Por i hoqi të djathtës mbi 29 mijë vota.
 
Në qarkun e Tiranës, FRD ka marrë 10 mijë vota, aq sa për t’i hequr mundësinë e një mandati tjetër koalicionit të djathtë. Dhe kështu rezultati për Tiranës mbeti 19 mandate e majta, dhe 13 e djathta.
 
E njëjta gjë ndodhi edhe në qarkun e Lezhës, ku koalicioni i djathtë për vetëm pak vota ka humbur mandatin e 4. Në këtë qark, koalicioni i majtë ka marrë 39 242 vota, ndërsa koalicioni i djathtë, 38 902 vota, pra rreth 300 vota më pak. Edhe në këtë rast 935 votat e FRD-së në këtë qark kanë minimizuar shanset e së djathtës, e cila ka humbur në Lezhë edhe për këtë shkak.
 
Një qark tjetër ku votat e FRD-së kanë efekt direkt në mandatet e mazhorancës është edhe ai i Kukësit. E djathta pretendon se ka marrë mandatin e tretë në këtë qark, të cilin e kërkon gjithashtu edhe kandidati i LSI-së.
 
Jashtë parlamentit mbeti edhe numri dy i FRD-së, Gazmend Oketa, që në këto zgjedhje kandidoi në qarkun e Durrësit dhe mori mbështetjen e 4521 zgjedhësve.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13