Frenimi i ekonomisë kineze
tronditen bursat,më të ultat prej '08

Frika për një frenim të gjatë të ekonomisë kineze ka luhatur edhe njëherë tregjet ndërkombëtare. Paniku është përhapur mes investitorëve çka ka shkaktuar edhe rënien më të keqe të 4 viteve të fundit në bursë.

Bursa Nikkei në Tokio është mbyllur me 4.61% rënie. Bursa e Shangait ka humbur 8.5%, duke i zeruar të gjitha fitimet e 2015-s.
 
Wall Street 
Edhe bursa e Wall Street është hapur me shenjën e minusit.  Dow Jones ka humbur 1,14%, Nasdaq ka lëshuar 0,49% dhe S&P 500 ka rënë me 1.21%.

Europa
Frika e tregjeve aziatike është transmetuar edhe në vendet e Europës, të cilat kanë shënuar rënien më të keqe prej vitit 2008.
 
E ka nisur me rënie bursa e Milanos, Ftse Mib është hapur me 3,62% renie për të humbur më pas 5,96%.
 
Parisi humbet 5,35%, Frankfurti 4,70% ndërsa Londra 4,6%. Shiriti i zi takon Borsës së Athinës e cila ka humbur 10,54%, duke shënuar edhe rennin më të lartë .
 
Ekonomia kineze
Shqetësimi i investorëve është shtuar nga pasiguria që ka përfshirë të ardhmen e ekonomisë kineze.
 
Pekini, motorri i rritjes globale, ka sinjalizuar rritjen më të ulët prej viteve ‘90 deri në 2014 dhe është ulur me nga 7 % dy tremujorët e parë të 2015-s.
 
Zhvlerësimi i Yen-it është lexuar si në vullnet për të mbështetur eksportin.

Nafta
Frika e ngadalësimit të ekonomisë kineze dhe renia e bursave aziatike e europiane çojnë në kulm çmimin e naftës. Në Azi çmimi ka prekur minimumin  prej rreth 6 vite gjysmë, respektivisht në 39 dhe 44,24 dollarë për  fuçi.
 
Redaksia Online
(a.h/shqiptarja.com)