Një aksident me dëme materiale, ka ndodhur mëngjesin e sotëm në autostradën Lushnje-Fier, ku ka shpëtuar mrekullisht një familje me 5 persona që udhëtonte me një mjet tip ‘Toyota’.
Një makinë tip ‘Ford’ ka frenuar dhe i ka dalë para makinës tip ‘Toyota’, pasi i kishte prerë rrugën një kec. Për të shmangur kafshën, drejtuesi i mjetit ka frenuar dhe më pas është përplasur me makinën me 5 anëtarë.
Fatmirësisht nuk ka të lënduar në njerëz, por vetëm dëme materiale. Ndërkohë që policia dhe grupi hetimor po punojnë për të zbardhur shkaqet e aksidentit. Ndërsa në autostradën Lushnje-Fier, në drejtim të Fierit është shkaktuar dy km radhë trafik deri në vendin e quajtur pushimi i shoferit në autostradë.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)