Frika nga koronavirusi krijon efekte të çuditshme, Pekini: Të shtyhen datat e martesave, në Lombardi policia pezullon testet e alkoolit

Frika nga infektimi prej koronavirusit gjithashtu ka efekte mjaft të çuditshme. Në Lombardi, nga frika e transmetimit, u vendos që të pezullohen testet e alkolit nga Policia rrugore.

"Pas rasteve të shtuara në 24 orët e fundit të të infektuarve nga virusi në rajonin e Lombardisë, të gjitha testet që lidhen me përdorimin e alkolit dhe substancave psikotrope pezullohen menjëherë", - thuhet në njoftimin e pilicisë duke shtuar se “Patrullat e policisë për një afat të pacaktuar do të jenë jo të lëvizshme, duke kufizuar kontaktin me përdoruesit e rrugës sa më shumë që të jetë e mundur”.

Autoritetet kineze kanë kërkuar që të shtyhen martesat dhe të zvogëlohet numri i njerëzve në ceremonitë e varrimit me arsyetimin për të kufizuar përhapjen e koronavirusit në vend, por njerëzit thonë se kjo masë vjen nga frika e Pekinit zyrtar prej zemërimit të shkaktuar të qytetarëve për fshehjen që iu bë situatës fillestare kur u shfaqën rastet e para të të prekurve nga virusi i ri.

Lajmi kryesor:

Në Itali shënohen dy viktimat e para nga koronavirusi, të paktën 51 të infektuar, Kryeministri Giuseppe Conte: Ska vend për panik

TAG:
• itali
• evropë
• viktime
• Koronavirus