Frika nga një valë e dytë infeksionesh, Franca vendos shtetrrethim gjatë natës në 9 qytete

Franca ka vendosur disa masa të reja izolimi në të gjithë vendin për shkak të koronavirusit.

Qytetarët duhet të qëndrojnë në shtëpi nga ora 21:00 deri në 06:00 në Paris dhe tetë qytete të tjera për të kontrolluar përhapjen e shpejtë të koronavirusit në vend.

Vendimet do të hynë në fuqi nga e shtuna dhe do të zgjasë për të paktën katër javë. Këtë e ka bërë të ditur Presidenti Emmanuel Macron gjatë një interviste televizive.

Gjithashtu është shpallur gjendja e emergjencës në Francë. Vetëm këtë të mërkurë u regjistruan 22,951 raste të reja me koronavirus.

Në të gjithë Evropën, qeveritë po vendosin kufizime të reja për të luftuar një valë të dytë të infeksioneve.

Një bllokim i pjesshëm hyri në fuqi në Holandë në 22:00 dhe kafenetë dhe restorantet po mbyllen.

Më herët të mërkurën, rajoni veri-lindor i Spanjës i Katalonjës tha se baret dhe restorantet do të mbyllen për 15 ditë nga e enjtja.

Në të gjithë Evropën, bilanci i të infektuarve po rritet, ku në Rusi u raportua një rekord me 14,321 raste ditore të mërkurën dhe 239 viktima.

E.M./Shqiptarja.com

TAG:
• france
• koronavirusi
• Shtetrrethim