POP 5

Lajmet më të lexuara të 5 minutave të fundit

Bota

Frikë nga dëbimi, shqiptarët në Britani heqin dorë nga kërkesat për azil! 4400 prej tyre braktisin vendstrehimet gjatë periudhës janar-mars

Mbi 4400 shqiptarë që kishin kërkuar azil në Mbretërinë e Bashkuar pas mbërritjes atje në mënyrë të paligjshme, janë larguar nga qendrat e strehimit duke hequr dorë nga azilkërkimi. The Times shkruan se kjo metodë po përdoret nga shqiptarët për të shmangur dëbimin.

Mijëra shqiptarë azilkërkues në Britaninë e Madhe, janë larguar nga hotelet ku ishin akomoduar.

Sipas mediave britanike mbi 4400 shqiptarë që më parë kishin kaluar kanalin e Lamansh për të shkuar në Angli kanë tërhequr kërkesat për azil. Shqiptarët përbëjnë shumicën dërrmuese duke pasur parasysh që në periudhën janar-mars ishin gjithsej 6 mijë kërkesa që u tërhoqën

Sipas the Times, largimi nga qendrat e azileve nga emigrantët shqiptarë, duke shmangur intervistat e detyrueshme me ligj, po përdoret si një metodë për të shmangur refuzimin e më pas rrjedhimisht dëbimin drejt Shqipërisë.

Megjithatë, Organizatat bamirëse në Mbretërinë e Bashkuar që punojnë me azilkërkuesit kanë paralajmëruar qeverinë se jo të gjithë individët janë arratisur për këtë fakt, pasi mendohet se shumë prej tyre janë edhe viktima të shfrytëzimit.

“Ne nuk mund të lejojmë që njerëzit që kanë ardhur në vendin tonë të bëhen viktima të trafikimit dhe shfrytëzimit ose të vuajnë nga varfëria,” tha Enver Solomon, CEO i Këshillit të Refugjatëve.

Ka edhe nga ata shqiptarë që rrugëtimi i tyre drejt Britanisë së Madhe, ka rezultuar më kot, pasi çdo të enjte një avion “charter” i Home Office sjell në Rinas shqiptarë që kanë përfunduar dënimet ne burgjet angleze bashkë me ata që kanë shkuar me gomone.

Vitin e shkuar ishte fluksi më i lartë i emigrantëve që shkuan drejt Mbretërisë së Bashkuar me Gomone. Mbi 12 mijë u larguan atje për një jetë më të mirë. Ndërkohë ende vijon që ky numër të jetë i lartë,  pavarësisht se ligjet janë forcuar.

B.V/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Noku: 26/06/2023 08:01

    Po shqiperia nuk eshte me si me pare kur te mbyste krimi dhe saimir tahiri ishte minister. Tani eshte bere si europa

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lezhë, shtëpia muze e ‘Mlikjave’ rrezikon që të shembet

Lezhë, shtëpia muze e ‘Mlikjave’ rrezikon që të shembet

24 Nëntor, 18:30