FLORIDA - Lionel Messi u detyrua të largohej pas 37 minutash në kthimin e tij në fushë për Inter Miami-n, por bashkëlojtarët e tij vulosën fitoren 4-0 kundër Toronto FC në MLS amerikane. Argjentinasi që mungoi në humbjen 5-2 të Miamit nga Atlanta të shtunën për shkak të lodhjes, mund të humbasë finalen e Kupës së javës së ardhshme kundër Houston Dynamo.

Trajneri Gerardo Martino tha se 36-vjeçari po mbart një "dëmtim të vjetër". Shtatë herë fituesi i Topit të Artë nuk u përdor nga trajneri i Argjentinës Lionel Scaloni kundër Bolivisë javën e kaluar. Ish-bashkëlojtari i Messit te Barcelona, Jordi Alba, gjithashtu pësoi një lëndim kundër Torontos dhe Martino tha se të dy lojtarët do të humbnin patjetër ndeshjen e së dielës kundër Orlando City.

“Nuk ka asnjë shans që ata të jenë atje të dielën. E di që kemi një finale për të luajtur (të mërkurën), por ata nuk do të shkojnë pranë fushës nëse nuk mund të luajnë”, tha Martino.

Arsyeja e largimit të Messit? Përgjigjia vjen nga vetë shtatë herë fituesi i Topit të Artë, i cili ia ka thënë ish-yllit të Napoli-t, Lorenzo Insgine-s, kundërshtar i Inter Miami-t me Toronton e tij të mërkurën në mbrëmje. Insigne i është afruar Messi-t për ta pa pyetur për gjendjen e tij.

“El tobillo… el tobillo”, ka thënë argjentinasi duke bërë të ditur se kishte një problem në kavilje. Shtrëmbërimi i fytyrës nga dhimbja dhe zhgënjimi i qartë në sytë e Messi-t kanë alarmuar tifozët.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si po e menaxhon qeveria situatën e përmbytjeve?

Lajme të tjera