Tre predha janë konstatuar gjatë 24 orëve të fundit në Vlorë. Dy prej predhave janë gjetur ditën e djeshme nga banorët në fshatin Panaj . Ata sapo kanë parë predhën kanë njoftuar policinë. Këta të fundit kanë shkuar në vendin e ngjarjes për të shmangur incidentet e mundshëm. Policia ka mbajtur nën vëzhgim zonën  për disa orë deri ditën e sotme ku në vendin e ngjarjes mbërritën forcat xheniere. Më pas u bë edhe çaktivizimi i tyre. Sipas xhenierëve predhat e gjetura datojnë që nga Lufta e Dytë Botërore.

Ndërkohë një tjetër predhë është konstatuar në fshatin Vodicë mesditën e së mërkurës. Edhe predha në fjalë është gjetur nga një banorë i zonës i cili po punonte tokën. Pas raportimeve forcat xheniere kanë shkuar edhe në fshatin Vodice dhe kanë çmontuar predhën e radhës.