POP 5

Lajmet më të lexuara të 5 minutave të fundit

Politikë

FRPD, Këlliçi ja merr Salianjit
në Shkodër, aktualisht në "fron"

Belind Këlliçi ja doli të fitojë në Shkodër me një diferencë prej 400 votash më shumë përballë kandidatit tjetër për kreun e Forumit Rinor të Partisë Demokratike Ervin Salianji, i cili deri para këtij debati kryesonte garën. 
SHKODËR - Belind Këlliçi ja doli të fitojë në Shkodër me një diferencë prej 400 votash më shumë përballë kandidatit tjetër për kreun e Forumit Rinor të Partisë Demokratike Ervin Salianji, i cili deri para këtij debati kryesonte garën. Ata paraqitën platformat e tyre për angazhimin e të rinjve në politikë në teatrin "Migjeni" në Shkodër, i cili është qyteti i shtatë ku kandidatët kanë përballur idetë. Kandidatja e tretë, e vetmja vajzë e kësaj gare, Oriela Nebiaj - zëdhënëse e Partisë Demokratike mundi të marrë vetëm 88 vota përballë 809 të Këllicit dhe 297 për Salianjin.
 
Salianji ka dalë fitues në Vlorë, Lushnje, Pogradec dhe Kavajë, por për Këlliçin pika e tij e fortë duhet se është veriu. Ai ka marrë më shumë vota të anëtarëve të FRPD-së në Mat, Dibër dhe së fundi Shkodër. Deri me tani Ervin Salianji ka 1139, Belind Këlliçi, 1455, pra  316 vota ne avantazh.

salianji

Votimi ne Shkoder 
Ervin Salianji 397 vota
Belind Këlliçi 809 vota
Oriela Nebijaj 88 vota
11 vota te pavlefshme

Edhe i ngarkuari i kryesisë së Partisë Demokratike, Kadilli përshëndeti këtë konvente në fillim të këtij takimi.
 
"Ndjej si privilegj që jam këtu në këtë Konvente kaq energjike, në këtë Konvente të shpresës dhe demokracisë. Në Shkodër më shumë se kudo, fjala shpresë ka më shumë kuptim. Sepse këtu në Shkodër, prindërit tuaj, prindërit e prindërve tuaj mbajten ndezur shpresën edhe në mes të territ komunist. Në këtë sallë, 25 vjet më parë ishte një student, Azem Hajdari që shpalli triumfin e shpresës ditën që u themelua dega e PD.  Sot, ju jeni ata që keni mundësinë të formësoni bashkë me kandidatët që duan të prijnë forumin, bashkë me Kryetarin Basha, për të ndërtuar endrrën për një Shqipëri të zhvilluar", tha Kadilli.
 
Pas Konventës së Shkodrës, qyteti i radhës ku do të ndalen tre kandidatët është Berati, ku mbi 1 000 të rinj anëtarë të FRPD, do të votojnë për kryetarin e ardhshëm të forumit rinor.
 
Në garën për kreun e FRPD-së fillimisht ishin shtatë kandidatë por tre prej tyre u dorëhoqën, mes të cilëve edhe nënkryetarja e FRPD-së Greta Koçi, e cila duket se do t'i përkushtohet 100 % muzikës.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident në aksin Librazhd- Prrenjas, trajleri del nga rruga, s'ka të lënduar

Aksident në aksin Librazhd- Prrenjas, trajleri del nga rruga, s'ka të lënduar

11 Janar, 17:49