POP 5

Lajmet më të lexuara të 5 minutave të fundit

Politikë

FRPD: Zgjedhje me Ramën
kryeministër nuk mund të ketë

FRPD: Zgjedhje me Ramën<br />kryeministër nuk mund të ketë
Forumi Rinor i Partisë Demokratike ka qenë pjesë e një kongresi në Kroaci me të rinjtë europianë, ku kanë diskutuar dhe për situatën politike në Shqipërisë.

Sipas tyre, në vend nuk mund të organizohen zgjedhje të lira dhe të ndershme me Edi Ramën kryeministër e për këtë arsye ata po protestojnë prej ditësh.
 
 “Siç u faktua në çdo palë zgjedhje të organizuara nga Edi Rama në këto 4 vite, paratë e drogës, krimit dhe korrupsionit do përdorën për të blerë zgjedhjet e ardhshme. Për këtë arsye, opozita në Shqipëri me mbështetje të fortë të rinisë, po proteston prej më shumë se 70 ditësh. Sot s'ka njeri që nuk e di se me Edi Ramën nuk ka zgjedhje të lira dhe të ndershme. Por dhe Edi Rama është i vetëdijshëm se pa pasur karrigen e kryeministrit, nuk mban dot pushtetin dhe paratë që u ka vjedhur shqiptarëve. Kjo është arsyeja kryesore përse ai nuk i hap rrugë zgjedhjeve të lira dhe të ndershme", tha kreu i FRPD, Belind Këlliçi.
 
Të rinjtë demokratë shqiptarë ndanë edhe shqetësime mbi rininë shqiptare me drejtues të organizatave rinore nga vende të ndryshme të BE-së si dhe me Kryetarin e sapozgjedhur të të rinjve të EPP, Andrianos Giannou.
 
Sipas tyre rinia shqiptare përballet me papunësi në shifra mbi 40% ku dhe kanë kritikuar Reformën në Arsim.
 
“Parlamenti dhe administrata u shndërrua nga Edi Rama në strehë të krimit. Falë mbështetjes që Rama dhe drejtues të policisë i dhanë trafikantëve, Shqipëria u shndërrua në Kolumbi të Europës siç e fakton dhe raporti i DASH apo EUROPOL. E vetmja mundësi punësimi që iu dha të rinjve në qeverinë Rama ishin arat me kanabis”, tha Këlliçi. 

Redaksia Online
(B.K/Shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Arrestohet ministri i Sigurisë së Bosnjës Nenad Nesic, akuzohet për korrupsion! Në pranga edhe 6 të tjerë

Arrestohet ministri i Sigurisë së Bosnjës Nenad Nesic, akuzohet për korrupsion! Në pranga edhe 6 të tjerë

26 Dhjetor, 14:51