Frrok Çupi: Bëri akt tradhtie ndaj SHBA dhe NATO-s, Meta do ishte arrestuar nëse bllokimi në Rinas zgjaste dhe disa orë

Frrok Çupi: Bëri akt tradhtie ndaj SHBA dhe NATO-s, Meta do ishte arrestuar nëse bllokimi në Rinas zgjaste dhe disa orë

Presidenti Ilir Meta dhe analisti Frrok Çupi

Ditën e sotme në emisionin “Breaking” në Top News, u diskutua në lidhje me përfshirjen e presidentit Ilir Meta, në fushatë. I ftuar në studio ishte analisti i njohur, Frrok Çupi, i cili u shpreh se presidenti e ka braktisur postin e tij dhe kushtetutën.

“Ka shkelur dy nene, atë që nuk mund të mbajë pozicione të tjera. Nuk mund të ushtrojnë asnjë kompetencë tjetër që nuk është në kushtetutë.

Merret ndërkohë me fushatën e një partie, që në fakt është partia e tij dhe ushtron kompetenca të tjera që nuk janë për presidentin”, tha Çupi.

Sipas analistit të njohur, Meta po kryen akte kundër ligjit dhe parlamentit. “Ai nuk e çan kokën për kushtetutën”, tha Frrok Çupi.

Ndërsa duke folur në lidhje me bojkotin e kontrollorëve të aeroportit të Rinasit, Çupi u shpreh se pas zgjedhjeve të 25 Prillit, Meta mund të arrestohet nga NATO.

“Bëri një akt tradhtie ndaj aleatëve të tij, SHBA dhe NATO. Nëse bojkoti i hapësirës ajrore, do të kishte zgjatur qoftë edhe disa orë, Meta do të ishte në pranga. Do të ishte arrestuar në kushtet e flagrancës nga NATO.

Fati i Metës është parashkruar, prandaj është në krizë. 25 Prilli nuk sjell asgjë për Metën, thjesht në llogaritjet që do të bëhen nga aleatët.

Problemi tjetër është SPAK, që ka shumë dosje për Metën dhe kompaninë e tij”, tha analisti i njohur.

Sipas tij, Meta ka rol zero në këto zgjedhje, ai vetëm bën disa njerëz që të shkojnë të votojnë.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Dani Alves 'e djeg' pasi lë qelinë, festë deri në orët e para të mëngjesit

Dani Alves 'e djeg' pasi lë qelinë, festë deri në orët e para të mëngjesit