POP 5

Lajmet më të lexuara të 5 minutave të fundit

Shëndeti

Fruthi, 17 raste në vend! ISHP: Në rast nevoje, vaksinim edhe për fëmijët nën 1 vjeç

Instituti i Shëndetit Publik, udhëzon kryerjen e vaksinave kundër fruthit, edhe në moshën nën 1 vjeç nëse paraqitet e nevojshme. Në kushte kur janë diagnostikuar 17 raste, ISHP ka nxjerrë një udhëzim ku apelon për vaksinimin e të lindurve para vitit 2000, ndërsa flet edhe për kategoritë që nuk duhet ta bëjnë këtë vaksinë.

Me qëllim frenimin e përhapjes së fruthit, Instituti i Shëndetit Publik ka shpërndarë një udhëzim në të gjitha instancat shëndetësore, ku sugjeron vaksinim edhe për fëmijët nën 1 vjeç, në rast se ka shpërthim në masë të sëmundjes tek kjo grupmoshë.

“Nëse shpërthimi epidemik do të fokusohet tek fëmijët nën një vjeç për të ndaluar shpërthimin dhe në bazë të rekomandimeve duhet të fillojë vaksinimi i fëmijëve me moshë mbi 9 muaj e lart”

Vaksinimi për fruthin sugjerohet të bëhet edhe tek të lindurit e përpara viteve 2000 që nuk e kanë bërë dozën e dytë.

“Të gjithë personat e lindur përpara viteve 2000 që nuk dokumentojnë rivaksinim duhet të vaksinohen ndaj Fruthit”

Udhëzimi jep sqarime edhe për kategorinë e personave që nuk duhet ta marrin vaksinën kundër fruthit.

“Çdokush që ka pasur një reaksion alergjik kërcënues për jetën, nga antibitotiku i neomicinës, ose nga ndonjë komponent i vaksinës FRP, nuk duhet të vaksinohet me këtë vaksinë. Bisedoni me mjekun nëse keni ndonjë alergji të rëndë. Disa persona që janë të sëmurë, gjatë kohës që është planifikuar kryerja e vaksinës, mund të këshillohen të presin derisa të shërohen, përpara se të kryejnë vaksinës e FRP-së. Gratë shtatzëna nuk duhet të vaksinohen me vaksinën FRP, por ato që e kanë të nevojshme vaksinimin duhet të presin deri pas lindjes. Gratë duhet të evitojnë mbetjen shtatzënë për 4 javë pas vaksinimit me vaksinën FRP”.

Të gjitha institucionet shëndetësore në vend janë të vëna në gatishmëri, siç ka ndodhur edhe në Lezhë, ku një rast është i dyshuar.

Aktualisht në Shqipëri janë të konfirmuara 17 raste me fruth, të shpërndara në Tiranë, Durrës dhe Krujë.

(Kliko këtu për të parë dokumentin e plotë)

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Çfarë është Jubileu, sa shpesh festohet, kuptimi fetar dhe viti 2033

Çfarë është Jubileu, sa shpesh festohet, kuptimi fetar dhe viti 2033

24 Dhjetor, 17:16