POP 5

Lajmet më të lexuara të 5 minutave të fundit

Kronikë

Fshehu mjetin e vrasësve të Elton Javorit, burri i tezes së autorëve: S’dija gjë për krimin! Makinën e lanë këtu duke më thënë se kanë dëmtuar gomën

Pronari i banesës ku u gjet e fshehur makina e përdorur në vrasjen e Elton Javorit në Fier, u ka thënë hetuesve se nuk dinte asgjë për atentatin. Sipas tij, dy personat tashmë në kërkim, janë nipat e gruas së tij dhe ata e lanë automjetin në shtëpinë e tij duke i thënë se kishin dëmtuar gomën. Policia dhe FNSH kanë kryer disa kontrolle në Fier por dy autorët e dyshuar ende nuk janë lokalizuar megjithë shoqërimin e rreth 20 personave

“Kemi dëmtuar gomën e makinës, do të vijmë ta marrim me vonë”! Më këtë pretekst, autorët e dyshuar të vrasjes së Elton alias Erjon Javorit, shtetasit Agim dhe Kreshnik Gashi, e lanë makinën në shtëpinë e bashkëshortit të tezes në fshatin Dermenas. Fshehja e mjetit ndodhi vetëm pak minuta pas ngjarjes së rëndë të 7 dhjetorit në lagjen “16 Prilli” në Fier. 70-vjeçari Rexhep Puka u tha hetuesve se në momentin që makina u la në oborrin e shtëpisë së tij nga nipat e gruas, por nuk kishte asnjë dijeni se ata kishin kryer vrasje.

Më pas, sipas tij, dy të kërkuarit për vrasje janë larguar dhe nuk e di se ku gjenden. Pas të shtënave ndaj 41-vjeçarit Javori, makinës “Mercedes Benz” i janë dashur jo më shumë se 7 apo 8 minuta për të lëvizur nga vendi i ngjarjes deri në Dermenas. Sipas policisë, gjurmimi i automjetit u bë përmes vëzhgimit të kamerave të sigurisë, të cilat i çuan hetuesit deri tek shtëpia e Pukës.

Dyshimet janë se dy vëllezërit Gashi fshihen brenda qarkut të Fierit dhe ndihmohen nga persona të tjerë familjarë apo të njohur të tyre. Deri tani policia, me ndihmën e Forcës Kombëtare të Sigurisë kanë kryer kontrolle të shumta në Dermenas, disa fshatra të tjerë ku banojnë familjarë të vëllezërve dhe në qytet të Fierit, por pa rezultat në gjetjen e tyre. Pas ngjarjes, janë shoqëruar në polici për t’u pyetur më shumë se 20 persona, kryesisht familjarë të të dyja palëve, të cilën nuk kanë dhënë ndonjë ndihmë në gjurmimin e vëllezërve Gashi. Referuar të dhënave të sistemit TIMS, ata rezultojnë brenda territorit të vendit, ndërsa hetuesit akoma nuk e kanë përcaktuar saktë se cili prej tyre ka qëlluar me armë drejt Javorit.

Të dy rezultojnë se kanë dal nga shtëpia e tyre, pritën Elton Javorin të dilte me makinë dhe qëlluan drejt tij duke e lënë të vdekur në vend. Në banesën e tezes se tyre në Dermenas ku u gjet makina e përdorur nga autorët, u gjetën edhe celularë, jelekë anti-plumb policie, armë gjahu, shotgan dhe sende të tjera të paligjshme. Konflikti mes Elton Javorit i cili ishte kthyer nga Gjermania dhe Agim Gashit mendohet të jetë i vjetër ndërsa ishte riaktivizuar edhe pak javë para ngjarjes.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19