POP 5

Lajmet më të lexuara të 5 minutave të fundit

Kronikë

Fshehu pasurinë, SPAK kërkon 1 vit burg për ish-kreun e Kushtetueses, Bashkim Dedja! I pari gjyqtar i shkarkuar nga vettingu për të cilin kërkohet dënim

Prokuroria e Posaçme ka mbyllur hetimet për ish-kryetarin e Gjykatës Kushtetuese Bashkim Dedja dhe i kërkon GJKKO-së dënimin me 1 vit burg, ose konvertimin e këtij dënimi me 2 vite shërbim prove. SPAK kërkon që Bashkim Dedja të shpallet fajtor për veprat penale të ‘mosdeklarimit të pasurisë’ dhe ‘deklarimit të rremë të pasurisë’.

TIRANË- Prokuroria e Posaçme ka mbyllur hetimet për ish-kryetarin e Gjykatës Kushtetuese Bashkim Dedja dhe i kërkon GJKKO-së dënimin me 1 vit burg, ose konvertimin e këtij dënimi me 2 vite shërbim prove. SPAK kërkon që Bashkim Dedja të shpallet fajtor për veprat penale të ‘mosdeklarimit të pasurisë’ dhe ‘deklarimit të rremë të pasurisë’. Dedja bëhet i pari ish-gjyqtar që është shkarkuar nga procesi i vettingut për të cilin SPAK kërkon dënimin, ndërsa të tjerë ish-gjyqtarë dhe ish-prokurorë të shkarkuar nga vettingu janë ende nën hetim.

Pas hetimeve të kryera nga Prokuroria e Posaçme, kjo e fundit kërkon dënimin pas Dedja ka fshehur në deklarime një apartament me sipërfaqe 60 m2, e ndodhur në zonën Kryemedhenj, Njësia Administrative Golem Kavajë. Sa i takon këtij apartamenti, Dedja ka thënë se është i vëllait të tij dhe thjesht e ka pasur në përdorim, por ky pretendim i tij nuk e ka bindur Prokurorinë. 

Sipas akuzës, Dedja ka kryer deklarim të rremë të një apartamenti me sipërfaqe 146 m katror në Tiranë lidhur me një hua 10 mije euro të marrë nga kunati i tij. SPAK thekson se nga hetimi  huadhënësi rezultoi në pamundësi për dhënien e kësaj huaje.

Bashkim Dedja, akuzohet për kryerjen e veprës penale të "Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim", kryer në formën e deklarimit të rreme dhe të fshehjes, të parashikuar nga neni 257/a/2 i Kodit Penal. Për akuzë të ngjashme është nën hetim edhe ish-gjyqtari tjetër i Kushtetueses, Fatos Lulo.

Ish-kryetari i gjykatës kushtetuese e kaloi shkallen e parë të vettingut, por ishte shkalla e dytë, Kolegji i Posaçëm i Apelimit që e rrëzoi duke e larguar nga detyra.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 20/05/2023 00:50

    1 vit burg,ose 2 vjet prove! Rreze dielli shprese po duken ne qiellin e nxirre nga rete e Vetingut te keta gjykates e prokurore,aq me teper qe keto lloj denimesh qesharake nuk shoqerohen me konfiskime,apo gjoba te renda.Tani e tutje, /me gezim,me kenge e valle po shkojme ne qeli/ per te gjithe keta ish-gjyqetare e prokurore.Po t'i shtohet ketyre denimeve dhe gjykimi i shkurtuar,amnistite,sjellja e mire dhe te prerat e barkut,denimet do te jene baraz sa nje muaj pushime ne Karaibe! Nice!

    Përgjigju
  • Gripi: 19/05/2023 14:52

    Po konfiskim nuk ka? Po akuze per pastrim te produkteve te vepres penale? Nga mbine keto pasuri? Cfare ndryshimi ka ky rast nga ai i Alda Klosit???? Do beni drejtesi ju maskarenjte e SPAK qe paguheni miliona nga taksat e popullit me te varfer te europes apo jeni vetem nje xhakete e kthyer?? Turp

    Përgjigju
    • goni: 19/05/2023 17:19

      jo me vlla, ne shqiperi behesh miliarder nga korrupsioni dhe me pas te vene te besh pune sociale per dy vjet.

  • Emri: 19/05/2023 14:44

    Po Shkelqim Hajdari qe qe nga bari eshte bere miliarder a do shohi vetting ndonje dite? Apo nga qe eshte shok i Edi Rames sdo e gjej gje?

    Përgjigju
  • LORA: 19/05/2023 13:28

    Vetem konfiskimi rrenjesor i pasurive jo-legale eshte ndeshkimi me i merituar per korporaten kusaro-kriminale dhe antishqiptare te dreQesise . Cdo "ndeshkim" tjeter eshte pordhe me rigon ,,,,ose legalizim per hajduterite e tyre.

    Përgjigju
  • OMG: 19/05/2023 12:13

    Paradokset e sistemit tone te drejtesise, akuzohet per fshehje pasurie por jo per korrupsion. Asnje nuk pyet si e beri pasurine qe fshehu? Kjo eshte sa me lare gojen, se asnje dite burg nuk do beje dhe askush nuk do t’i konfiskoje pasurine!

    Përgjigju
  • leshntresh: 19/05/2023 12:13

    KAQ PAK ? po karstriot selita me 1 milion euro pasuri sot nga bari dhish ne 2003 kur do e shofi deren e burgut?! jeni totalisht te njeanshem !

    Përgjigju
  • e drejta: 19/05/2023 11:59

    MERRJANI TE GJITHA KETYRE GJAKPIRESAVE...MASKARENJTE

    Përgjigju
  • Sondazhi i ditës: 21 Mars, 10:09

    Sa e dëshironi integrimin e Shqipërisë në Bashkimin Europian?

Lajme të tjera



×

Lajmi i fundit

Dibër/ Bëri parakalim të gabuar në tunelin e rrugës së Arbrit me makinën e Policisë, hetim disiplinor për efektivin dhe 40 mijë lekë gjobë

Dibër/ Bëri parakalim të gabuar në tunelin e rrugës së Arbrit me makinën e Policisë, hetim disiplinor për efektivin dhe 40 mijë lekë gjobë

23 Mars, 20:49