AZI - Një anije e mbingarkuar me emigrantë ilegalë është përmbysur sot në bregun e Bangladeshit.

Barkat e peshkimit kanë bërë të mundur shpëtimin e 23 njerëzve

Zyrtarët njoftuan se rreth 50 persona ende figurojnë të zhdukur.

Mbi 70 emigrantë ilegalë, shumica prej të cilëve myslimanë, raportohet se po udhëtonin me një anije të vogël për në Malajzi, kur anija u fundos në Bregun Teknaf të Bangladeshit, rreth 320 kilometra larg qytetit Dhaka.

Të mbijetuarit thanë se ata po udhëtonin për në Malajzi për të kërkuar punë, ka njoftuar një zyrtar i Rojes Bregdetare.