Premtimi për fondet e konsiderueshme erdhi pasi zyrtarët afganë ranë dakord për kushte të reja lidhur me luftën ndaj korrupsionit, një fenomen mjaft i përhapur në Afganistan.
Konferenca e donatorëve vjen në kudër të hapave të ndryshëm që po hidhen përballë frikës se pas tërheqjes së NATO-s në 2014, Afganistani mund të bjerë sërish në kaos. Një konferencë tjetër donatorësh u caktua që të mblidhet në Londër në vitin 2014.
Ekonomia afgane varet pothuajse krejtësisht nga ndihmat ekonomike dhe ushtarake nga jashtë, të cilat përbëjnë 95% të GDP-së vendase.
Presidenti Karzai që mori fjalën në takim tha se ekonomia dhe siguria në Afganistan vazhdojë të jenë problematike. “Do të duhen shumë vite punë e vështirë për ne si afganë dhe mbështetje nga komuniteti ndërkombëtar, që vendi të arrijë prosperitet dhe qëndrueshmëri”.
Ndërkohë sot në provincën jugore të Kandaharit, 14 civilë humbën jetën pasi automjetet e tyre u goditën nga minat e vendosura prej talebanëve.
(km/shqiptarja.com)