Fushë-Krujë/ Eksploziv lokalit 'Brazili i vjetër', gjithçka e shkatërruar! Pronari mohon konfliktet, kamerat filmuan ngjarjen, Policia i sekuestron (EMRI+VIDEO)

FUSHË KRUJË- Një tjetër shpërthim është shënuar në orët e para të mëngjesit të sotëm (31 Janar). Këtë herë në lokal-restorantin "Brazili i Vjetër" në Fushë-Krujë.

Policia e Tiranës informoi se 'janë dëmtuar me lëndë plasëse xhamat e fasadës së jashtme të lokalit'. Subjekti është në pronësi të shtetasit Bledar Tali

Eksplozivi i është vënë te restorant “Brazili i vjetër”, në vendin e quajtur ish-“Kooperativa Partizani”. Ngjarja ka ndodhur rreth orës 01:30 pas mesnate.

Pronari nuk njihet si person problematik dhe jashtë kamerave deklaron se nuk ka as probleme dhe as konflikte me njeri, teksa gjithashtu nuk ka dyshime për persona konkret që mund ta kenë kryer krimin.

Dëmet janë mjaft të mëdha, pasi i gjithë lokali ka dalë jashtë funksioni. Ngjarja është filmuar edhe nga kamerat e sigurisë, por mësohet se ato janë sekuestruar nga Policia për qëllime hetimore, që të arrihet tek zbardhja dhe identifikimi i autorit apo autorëve të krimit.

"Grupi hetimor nën drejtimin e Prokurorisë vijon punën për sqarimin e rrethanve të ngjarjes, identifikimin dhe kapjen e autorit/ve", njoftoi policia.

Nga pamjet e siguruara prej Report TV, dallohet qartë dëmi i shkaktuar në lokal, me gjithçka të rrafshuar përtokë. Xhama të thyer, dyer të shkatërruara, sende materiale dhe deri te tjegullat e çatisë dhe struktura e subjektit.

Ky është rasti i dytë i shpërthimit me eskploviz. Në Shkodër një sasi lënde plasëse iu vendos makinës në pronësi të Alban Bushatit.

S.G/A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 01/02/2025 02:21

    Ne nje ish-kooperative, ne nje nga zonat me te humbura e me problematike te vendit i vihet tritol nje lokali fshati me nje emer te cuditshem /Brazili i vjeter/! Ky pronari qe nuk ditka te kete probleme e hasmeri,paska dobesi te cuditshme per Brazilin,shtet i njohur jo vetem per karnavalet e caipirinhat,por dhe per ca gjera te tjera!

    Përgjigju
  • Sondazhi i ditës: 27 Shkurt, 09:24

    Mandarina me pesticide, sa të sigurta janë produktet që konsumojmë?



×

Lajmi i fundit

Kjo është palestinezja që u gjet e vrarë në Tiranë/ Del fotoja e 24-vjeçares, vrasësi iku nga Greqia në Amsterdam

Kjo është palestinezja që u gjet e vrarë në Tiranë/ Del fotoja e 24-vjeçares, vrasësi iku nga Greqia në Amsterdam