Fushë-Krujë, apeli i nënës së dy fëmijëve jetimë: Më ndihmoni! Burri më vdiq, shtëpia po shembet

Buka e gatuar vetë është i vetmi ushqim në dollap! 35-vjeçarja, Esmeralda Murrja nga fshati Luz i Fushë-Krujës, rrit e vetme, në kushte tejet të vështira dy vajzat e mitura. I shoqi është ndara nga jeta para një muaji nga një sëmundje e rëndë, duke i lënë në dhimbje e varfëri.

"Ka ndonjë natë që flemë pa ngrënë. Thesin e miellin ma falin. S'kam çfarë të ha e të pi, vajzën e madhe e kam sëmurë, me probleme të zorrëve por skam para ta çoj në spital", shprehet  Esmeralda Murrja.

Esmeralda tregon se banesën ua ka ndërtuar Bashkia e Krujës para disa vitesh, por siç shihet në pamje punimet pa cilësi kanë bërë që gjithë lagështia të futet në dhoma.

E vetmja e ardhur prej 5 mijë lekësh në muaj, përkrahje sociale është e pamjaftueshme për të përballuar jetesën.

"Veç të mbytem në ujë! Nuk ia dal dot të rrish fëmijët", shprehet mes dhimbjes, Esmeralda Murrja.

Përmes Report TV, nëna e dy vajzave të moshës 7 dhe 2 vjeç apelon për rikonstruksion e banesës dhe ndihmë financiare, pasi nuk mundet të gjejë punë në kushtet kur duhet të kujdeset e vetme për fëmijët.

"Nuk punoj dot pa u kamur fëmijët! E vogla është foshnje, vajza e madhe në klasë të parë, më duhet ta çoj dhe marr nga shkolla!"- u shpreh ajo.

*Shënim; Kush dëshiron që të ndihmojë Esmeraldën mund ta kontaktojë në numrin e saj +355 68 351 1356

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin