POP 5

Lajmet më të lexuara të 5 minutave të fundit

Politikë

Fyle: BE 81 mln € Shqipërisë
për reformat kyçe drejt integrimit

Bashkimi Evropian vazhdon të mbështesë financiarisht Shqipërinë në kuadër të përpjekjeve për reforma. Brukseli ka dhënë dritën jeshile për 81 milion euro të cilat do të përdoren për të adresuar prioritete kyçe si reforma në drejtësi, lufta ndaj krimit të organizuar dhe reforma në administratën publike.
BRUKSEL - Bashkimi Evropian vazhdon të mbështesë financiarisht Shqipërinë në kuadër të përpjekjeve për reforma. Brukseli ka dhënë dritën jeshile për 81 milion euro të cilat do të përdoren për të adresuar prioritete kyçe si reforma në drejtësi, lufta ndaj krimit të organizuar dhe reforma në administratën publike.

Ky fond do të mund të ndihmojë edhe në përmirësimin e infrastrukturës rrugore në Shqipëri, modernizimin e sistemit të furnizimit me ujë dhe disa shërbime sociale.

Komisioneri për zgjerim Stefan Fyle tha se për shumë vite, qytetarët shqiptarë kanë treguar mbështetje të fuqishme për integrimin evropian të vendit të tyre.

"Ata janë të ndërgjegjshëm që jeta e tyre do të përmirësohet ndërsa vendi do të avancojë në këtë drejtim. Progresi i mëtejshëm do të varet nga kapaciteti i Shqipërisë për të kryer reformat dhe realizuar objektivat kombëtare", u shpreh Fule.

Në vlerësimin e tij Bashkimi Evropian është i gatshëm ta ndihmojë Shqipërinë për të arritur qëllimet ndërsa programi i këtij viti do të inkurajojë reformat. Fondet e çelura të hënën, (sot) janë pjesë e programit IPA të vitit 2012 për Shqipërinë.

Me këto fonde do të financohet godina e re e gjykatës së Tiranës, rikonstruksioni i dy pikave kufitare dhe projekte të tjera që kanë të bëjnë me transparencën e fondeve publike.

(dm/Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako