Më shumë se tre vjet nga ngjarja tragjike e shpërthimit të fabrikës së çmontimit të armëve në Gërdec, më 15 mars 2008, ku humbën jetën 26 vetë, vetëm sot, Prokuroria shqiptare mundi të japë pretencën për të akuzuarit si fajtorë të kësaj ngjarjeje. Kërkohet burg për jetë për tre protagonistët kryesorë, të cilët aktualisht janë në arrest shtëpie për shkak të përfundimit të afateve të paraburgimit.
Prokuroria ka vënë para përgjegjësisë edhe Shefin e Shtabit të Përgjithshëm të Ushtrisë, Luan Shehu, për të cilin kërkoi 8 vjet burgim. Burgime u kërkuan edhe për përfaqësues të tjerë të ushtrisë shqiptare. Në pretencë nuk përmendej asnjë politikan. Më poshtë lista e viteve burg të kërkuara nga prokurorët e çështjes Marjeta Zaimi, Genci Qano, Petrit Bica e Altin Dumani:


YLLI PINARI - ish-Drejtor i ndërmarrjes shtetërore të armëve MEICO: Burgim I përjetshëm, përjashtim nga e drejta e të ushtruarit të detyrave shtetërore dhe 2 milionë lekë gjobë

MIHAL DELIJORGJI – Pronari i kompanisë së çmontimit Albademil, burgim i përjetshëm, 75 milionë lekë gjobë kompanisë dhe mohimin për t’u marrë me demontime në 25 vitet e ardhëshme

DRITAN MONXOLLI – Ish-drejtor i kompanisë Albademil, burgim I përjetshëm

SOKOL NGJECI – Specialist I demontimit praën MEICO-s 23 vjet burg

LUAN SHEHU – Ish Shef I Shtebit të PËrgjithshëm të Ushtrisë, 8 vjet burg për shpërdorim të detyrës si komandues dhe ndalim për 5 vjet I të drejtës së ushtrimit të profesionit.

SHPETIM SPAHIU – Ish Komandanti I Forcave të Bashkuara, 8 vjet burg, dhe pesë vjet pengesë për të punuar në Shtet

ZIJA BAHJA – Ish- Komandant I Komandës Mbështetëse, 6 vjet burg dhe ndalim I tyë drejtës së punës në Shtet për 4 vjet

AGIM LALA – Ish-ushtarak I forcave të armatosura, 4 vjet burg dhe heqja e të drejtës për të punuar në Shtet me 4 vjet


VITET BURG PER DISA NGA TE AKUZUARIT E TJERE



Shkelzen Madani - 8 vjet burg
Dashnor Caushi - 8 vjet burg
Ardian Mullai - 7 vite burg
Zija Baja 6 - vjet burg
Zenun Ferro - 4 vite e 6 muaj burg
Hilmi Lacaj - 4 vjet burg
Fahri Toska - 4 vite burg
Jorgo Mino - 4 vite burg
Fatbardh Kuqi - 3 vjet e 6 muaj
Ndue Marku - 3 vite burg
Besnik Dauti - 3 vite
Fiqiret Mato - 2 vite burg
Adriatik Metma - 1 vit burg
Lavdi Shatro - terhiqet akuza

Pas përfundimit të seancës, Zamira Durda, nëna e një prej të miturve që vdiqën gjatë shpërthimit u shpreh e pakënaqur për pretencën e prokurorisë. Ajo deklaroi se duhej kërkuar burgim i përjetshëm për të gjithë.