G20, nata e tretë e protestave,
200 policë të plagosur,144 të ndalua

Gjatë natës së tretë të protestave në Hamburg është shtuar numri i oficerëve të policisë të cilët janë plagosur, si dhe numri i personave të ndaluar.

Të paktën 200 policë janë plagosur gjatë fundjavës së G20-ës, si dhe 144 protestues janë ndaluar.

Edhe këtë herë qendra e protestave anti-globalizmit ishte qarku i Schanzenviertel, ku forcave të policisë iu është dashur të ndërhynë me ujë për të shpërndarë protestuesit.

Mediat ndërkombëtare raportojnë se arrestime të tjera janë kryer nga policia, por ende nuk dihet numri i saktë i të arrestuarve dhe nëse ka të plagosur mes tyre.

Për tri ditë me radhë Hamburgu u pushtua nga protesta të dhunshme ku manifestuesit antikapiltalisët kanë shkaktuar në jo pak raste trazira që u ngjasonin episodeve të luftës.

Kujtojmë se në Hamburg u zhvillia samiti dy ditor i G 20, ku liderët botërorë diskutuan për tregtinë e lirë dhe marrëveshjen e  ndryshimeve klimaterike.

[gallery]23013[/gallery]

Redaksia Online
e.m/Shqiptarja.com