I dërguari i Posaçëm amerikan për Ballkanin Perëndimor, Gabriel Escobar ka deklaruar se Shtetet e Bashkuara të Amerikës janë të shqetësuara pasi Kosova nuk po i trajton si partner për sigurinë dhe stabilitetin rajonal.
Në një intervistë për Zërin e Amerikës, Escobar foli për zhvillimet e fundit mes Kosovës dhe Serbisë duke cekur edhe refuzimin e përfaqësuesve të Prishtinës zyrtare për të marrë pjesë në një takim të me homologët serbë të thirrur nga Miroslav Lajçak mbi heqjen e dinarit.
“Shikoni, nuk dua të hyj në atë se cilat janë të gjitha pasojat, por, e dini, mendoj se deklaratat tona publike janë tregues se si po shkojnë marrëdhëniet në nivel diplomatik dhe politik. Pra, ne jemi të shqetësuar për faktin se qeveria e Kosovës nuk po na trajton si partner. Ata nuk po konsultohen me ne. Ata nuk po punojnë me ne për sigurinë rajonale. Dhe më e rëndësishmja, ata po bëjnë gjëra që në dukje po dëmtojnë dialogun në të cilin Shtetet e Bashkuara janë angazhuar plotësisht”- u shpreh Escobar.
I pyetur nëse SHBA-të do të ndalin mbështetjen për Kosovën në arenën ndërkombëtare, Escobar përsëriti deklaratën e ambasadorit amerikan në Prishtinë, Jef Hovenier, duke theksuar se veprime të pakonsultuara, e bën më të vështirë ndihmën për Kosovën për integrim në komunitetin transatlantik.
“Mendoj se ambasadori (amerikan në Prishtinë Jeff) Hovenier e ka thënë më së miri kur tha, kjo e ndërlikon kapacitetin tonë për të ndihmuar Kosovën të integrohet në komunitetin transatlantik. Pra, sa herë që flasim për Kosovën me partnerët e tjerë, veçanërisht me ata që nuk e njohin, shqetësimet e tyre janë se Kosova nuk po bën atë që kërkohet nga dialogu i lehtësuar i Bashkimit Evropian, që përfaqëson të gjithë Bashkimin Evropian, dhe pse duhet të ecin përpara. Pra, me fjalë të tjera, na e bën shumë të vështirë që të jemi në gjendje të mbështesim Kosovën për shumë gjëra, duke përfshirë NATO-n, kandidaturën për Bashkimin Evropian, Këshillin e Evropës dhe një sërë organizata tjera. Kështu që nuk është se duhet të vendosim çfarë lloj pasoja, pasojat janë të vetëkuptueshme”- theksoi i dërguari i SHBA-ve.
Vendimi i Bankës Qendrore të Kosovës për heqjen nga qarkullimi të dinarit ka shkaktuar pakënaqësi tek partnerët ndërkombëtarë. Ka qenë ambasadori amerikan në Prishtinë ai që deklaroi se vendimi ka ndikuar në përkeqësimin e marrëdhënieve mes SHBA dhe Kosovës. Ndërsa i dërguari i posaçëm i BE për dialogun Kosovë-Serbi, Miroslav Lajçak ka kërkuar një takim mes përfaqësuesve të 2 vendeve, takim të cilit Prishtina zyrtare nuk iu përgjigj pozitivisht.
Komente
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
Ti Eskobar me nje pjese shokesh qe punoni aty si me Gabriel ,Kristofer hill etj jeni bere mjaft qesharak,bile me qesharak se Lajcak e Borela qe jane ushtar serb,jepni dorheqjne sa nuk eshte vone.
PërgjigjuMos u merni me idjotin Kurti dhe qeverine e tij,hiqni forcat paqe ruajtse dhe lereni se kane Kurtin qe i mbron.Ky eshte nje ndyresire qe ka percare shqiptarine.
Përgjigju