Gafa e Strakoshës dënon Lazion në Europa League, barazon Napoli e Roma di vetëm të fitojë (VIDEO)

Portieri i Kombëtares Thomas Strakosha luante ndeshjen e parë sezonale si titullar  por bëri gafë dhe e dënoi Lazion me humbje në ndeshjen e parë të grupeve të  Europa League. Në Stamboll Galatasaray e mposhti 1-0 Lazion pas një gabimi të Strakoshës. Hysaj e luajti gjithë ndeshjen dhe bëri një paraqitje më të mirë ndërsa trajneri Sarri e mori në mbrojtje gardianin kuqezi.

Napoli e nisi me një barazim aventurën në grupin C të Europa League. Leicester City-Napoli u mbyll në barazim 2-2 me anglezët që morën avantazhin e dyfishtë falë golave të Perez dhe Barnes. Por për skuadrën e Spalletit shkëlqeu sulmuesi Victor Osimhen që realizoi dygolësh në minutat 69-të dhe 87-të.

Bayer Leverkusen e mposhti 2-1 në Gjermani Ferencvaroshin e Myrto Uzunit në grupin G ndërsa futbollisti i Kombëtares u aktivizua që nga minuta e 66-të. Sa i përket ndeshjeve të tjera në grupet e Europa League fituan francezët Lyon e Monaco, Betis e Ëest Ham.

Ndërkaq në Uefa Europa Conference League Roma arriti suksesin e gjashtë sezonal në po kaq ndeshje zyrtare të zhvilluara. Roma mundi me goleadë 5-1 CSKA-në e Sofies duke marrë menjëherë kreun e grupit C. Rreth 15 minuta u aktivizua edhe mbrojtësi i Kombëtares Marash Kumbulla. Ndërsa Tottenham nuk shkoi më shumë se barazimi 2-2 në Francë ndaj Rennes./Përgatiti Andi Kapxhiu

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Fier, dhunoi kushërirën, arrestohet në flagrancë 59-vjeçari

Fier, dhunoi kushërirën, arrestohet në flagrancë 59-vjeçari