Gara për kreun e BKH/ Tetë kandidatët për drejtues të FBI-së shqiptare sot 4 orë në 'makinën e së vërtetës'

Gara për kreun e BKH/ Tetë kandidatët për drejtues të FBI-së shqiptare sot 4 orë në 'makinën e së vërtetës'

Ardian Çipa, Idajet Faskaj, Lindita Nushi dhe Artur Beu

TIRANE-Pas testimit me shkrim dhe atij fizik, sot ka nisur përballja me makinën e së vërtetës (poligrafin) për 8 të kualifikuarit për drejtues të Byrosë Kombëtare të Hetimit. Testimi do të vijojë deri ditën e premte, ku cdo ditë do të paraqiten në test nga dy kandidatë. Seancat do të zhvillohen pranë SHÇBA-së tek ministria e Brendshme dhe do të zgjasin nga 2 deri në 4 orë për cdo kandidat.

Testimi mbyllet të premten dhe më pas SPAK-u do të përzgjedhë një nga tetë garuesit për t'ia përcjellë KLP-së për ta emëruar kreun e ri të BKH-së. Sipas ligjit kreun e BKH-së e zgjedh Këshilli i Lartë i prokurorisë, raporton gazetari i Report Tv, Arsen Rusta.

Lista e 8 kandidateve te kualifikuar
1-Aida Veizaj (Hanaj)
2-Ardian Çipa3-Artur Beu
4-Ervin Hodaj
5-Gentjan Shehaj
6-Lindita Nushi
7-Idajet Faskaj
8-Ylli Pjetërnikaj

Aida Veizaj (Hanaj), Ervin Hodaj,Ylli Pjetërnikaj dhe Gentjan Shehaj

Por çfarë është makina e së vërtetës (Poligrafi) dhe si funksionon ajo? Poligrafi bazohet mbi faktin se gënjeshtra provokon përgjithësisht ankth, që nga ana e tij modifikon parametrat fiziologjike, si presioni i gjakut, frekuenca kardiake, ritmi i frymëmarrjes e deri tek rezistenca e ndryshuar e lëkurës ndaj përcjelljes se rrymës elektrike.

Që në vitin 1913 është ndërtuar një makine e tillë, e cila ishte në gjendje që të gjitha këto parametra t’i përmblidhte në një raport grafik. Makina e të vërtetës, përdoret nga FBI-ja gjatë marrjes në staf të punonjësve të rinj, por edhe gjatë pyetjes së dëshmitarëve, për çështje tepër delikate. 

Aparati i Poligrafit

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Interi beson te Inzaghi, rinovon deri në vitin 2027

Interi beson te Inzaghi, rinovon deri në vitin 2027