Në SHBA, gara presidenciale është intensifikuar, tani që mbetet më pak se një muaj për votimet e para brenda partive në shtetin Iowa. Vëmendja është përqendruar sidomos në kampin republikan, ku konkurrojnë një numër i madh kandidatësh. Miliarderi Donald Trump ka dominuar deri tani garën republikane, por ai përballet me sfidën për ta kthyer në vota mbështetjen që gëzon në sondazhe.