Gara të dielën, Basha: 13 qershori test për demokratët! Nuk përcaktohet kryetari, por aksioni i PD

Kryetari në detyrë i PD, Lulzim Basha e konsideron 13 qershorin test për demokratët, pasi sipas tij të të dielën nuk do të përcaktohet vetëm kryetari i ardhshëm, por edhe aksioni politik. Takimet me demokratët i vijuan sot edhe 3 kandidatët e tjerë në garë për drejtimin e partisë.

13 Qershori është testi i parë më i rëndësishëm për demokratët pas zgjedhjeve parlamentare, ku do të përcaktohet jo thjesht drejtuesi i PD, por edhe aksioni politik", tha sot Lulzim Basha.

 “Ftesa ime kryesore është që ta konsiderojmë pjesëmarrjen në 13 qershor si një akt politik dhe si testin e parë më të rëndësishmin pas 25 prillit për t’i thënë çdo shqiptari dhe kundërshtari tonë se Partinë Demokratike pas 25 prillit e ka përballë më të madhe më të vendosur, më të fortë, për t’i shkuar deri në fund misionit për demokraci”, u shpreh  Basha.

Gjatë takimeve në disa degë të Tiranës, Basha i kërkoi kandidatëve përballë tij, të mos mohojnë masakrën zgjedhore. 

 “Pa paragjykuar lirinë e çdokujt që ka vendosur të kandidojë në këtë garë,të mohosh masakrën e 25 prillit dhe të njohësh zgjedhjet, do të thotë dorëzim pa kushte para padrejtësisë”, u shpreh Basha.

Tirana ishte ndalesa edhe e kandidatit Agron Shehaj. Ai tha se demokratët kërkojnë vizion të ri për të drejtuar partinë në katër vitet e ardhshme, kurse udhëheqja kërkon të mos ndryshojë asgjë. Edith Harxhi shpalosi në Krujë plarformën e saj përagr reformimin e PD, ndërsa Fatbardh Kadilli nëpërmjet rrjeteve sociale prezantoi edhe një herë sugjerimin e tij për postin e kryetarit të partisë.

 “Kryetari ose fiton dhe bëhet Kryeministër, ose shkarkohet dhe shkon në shtëpi”, tha Kadilli.

 

SI.E./KT/Shqiptarja.com
  • Sondazhi i ditës:

    A duhet të hetohen gjyqtarët e prokurorët e larguar nga Vettingu?

Komento


×

Lajmi i fundit

John

Mes gjelbërimit dhe qetësisë, Rama publikon videon nga alpet shqiptare