Gatimi tradicional borscht dhe molotov, një grua ukrainase tregon si po e mbështet vendin e saj: Nuk kam frikë, e di që do fitojmë

Kateryna Yurko ishte në dyqanin e saj kur raketa e parë goditi Kievin,  pikërisht përballë rrugës. Shpërthimi e tronditi, 'ishte shumë e zhurmshme', tha ajo.

Kateryna dhe punonjësit e saj vrapuan në bodrum pak para shpërthimit të radhës. Dyqani i saj ndodhet përballë rrugës nga kulla televizive e Kievit, e cila është në zonën e goditur nga një sulm rus dje.

Në shpërthimet u vranë pesë persona. Të mërkurën në mëngjes, Kateryna ishte kthyer në punë duke pastruar xhamat e copëtuar dhe mbeturinat. Shumica e mallrave të saj ishin zhdukur. Ndërsa shumica e dyqaneve në kryeqytetin e Ukrainës janë mbyllur që nga fillimi i pushtimit, ajo e mbajti dyqanin të hapur sepse ka pjesë rezervë të makinave, vaj dhe gjëra të tjera të nevojshme.

Kateryna tha se ngjarjet e ditëve të fundit e kishin shtuar vendosmërinë e saj.

"Nuk kam më frikë. E di që Ukraina do të fitojë”, tha ajo.

Kateryna ka tre fëmijë dhe të gjithë e kuptojnë se çfarë po ndodh, tha ajo. Ajo ka publikuar një video të vajzave të saj binjake 5-vjeçare duke kënduar himnin kombëtar. Yurko tha se fëmija i saj tjetër, i cili është 18 vjeç, është vullnetar në Forcat e Mbrojtjes Territoriale, e cila është njësia ushtarake vullnetare e forcave të armatosura të vendit.

Yurko ka gatuar gjithashtu borscht, gatim tradicional ukrainas dhe ka bërë kokteje molotov për njësitë e Mbrojtjes Territoriale.

"Dy gjërat më të rëndësishme që një grua ukrainase duhet të dijë është se si të bëjë borscht dhe molotov," tha ajo.

Yurko tha se ajo dhe miqtë e saj kanë bërë disa mijëra kokteje molotov ditët e fundit, duke përdorur deri në 2 ton benzinë. 

TAG:
• rusia sulmon ukrainen
• ukraine
• Rusi