Punonjës të Kombeve të Bashkuara u vranë në sulmin kundër një shkolle të OKB-së në Rripin e Gazës, theksoi sot sekretari i përgjithshëm i OKB-së, Ban Ki-moon, i cili dënoi ashpër këtë sulm.

"Ka shumë të vdekur, prej të cilpve fëmijë dhe punonjës të OKB-së", deklaroi Ban Ki-Moon, në një komunikatë të OKB-së.

Të paktën 15 palestinezë, prej të cilëve një fëmijë një vjeçar u vranë sot në një shkollë të OKB-së në Beit Hanoun, në veri të Rripit të Gazës, ku ndodhen të strehuar palestinezët, sipas shërbimeve lokale të urgjencës./ATSH/