GJENEVË, 23 korrik /ATSH-AFP/ - Ministri palestinez i Punëve të Jashtme, Riad Malki akuzoi sot Izraelin për kryerje të krimeve kundër njerëzimit në Rripin e Gazës gjatë një seance të jashtëzakonshme në Gjenevë të Këshillit për të Drejtat e Njeriut dhe kërkoi një hetim ndërkombëtar.
"Izraeli po kryen krime të tmerrshme. Izraeli ka shkatërruar plotësisht lagje të banueshme. Kjo që po bën Izraeli (...), është një krim kundër njerëzimit dhe shkelje e konventave të Gjenevës", deklaroi ministri, Riad Malki, i cili u duartrokit nga ambasadorë të shumtë të pranishëm në Këshill./
/ec/