GAZA – Të paktën 18 persona ekzekutohen si bashkëpunues të Izraelit

GAZA (Territore palestineze), 22 gusht /ATSH-AFP/ - Të paktën 18 persona të akuzuar se kanë bashkëpunuar me Izraelin u ekzekutuan sot në Rripin e Gazës, në mes të konfliktit me ushtrinë izraelite, njoftoi televizioni i lëvizjes Hamas.
Mes tyre, gjashtë u ekzekutuan në hapsirë publike nga persona që mbanin uniformën e Brigadave Ezzedine al Qassam, drejtimi i armatosur i Hamasit.
Të paktën 11 të tjerë u vranë me plumba pranë rajonit të policisë në qendër të qytetit të Gazës, një tjetër u ekzekutua në një shesh pranë rajonit.
Këto ekzekutime u kryen një ditë pas vrasjes së tre komandantëve të drejtimit të armatosur të Hamasit, të vrarë nga sulmet ajrore izraelite mbi një godinë në Rafah (në jug të Gazës)./
/G.S/