POP 5

Lajmet më të lexuara të 5 minutave të fundit

Politikë

Gent Cakaj merr mbështetjen e ministrit çek: BE të mbajë premtimin për çeljen e negociatave

Ministri i Jashtëm çek i ka bërë thirrje Bashkimit Europian të çelë negociatat me Shqipërinë. Gjatë takimit që pati me ministrin në Detyrë për Europën dhe Punët e Jashtme Gent Cakaj, Tomas Petricek u shpreh se shpreson për një vendim pozitiv në qershor.

Çekia mbështet çeljen e negociatave të Shqipërisë me Bashkimin Europian. Ministri i Punëve të Jashtme të Çekisë, Tomas Petricek gjatë konferencës për mediat në Tiranë me ministrin në detyrë për Europën dhe Punët e Jashtme, Gent Cakaj, u shpreh se ka ardhur koha që Bashkimi Europian të mbajë premtimin për çeljen e negociatave të anëtarësimit të Shqipërisë në qershor.

“Besojmë se do të kemi një konsensus për çeljen e negociatave në mbledhjen e këshillit në  qershor. Kam biseduar me një sërë partnerësh dha jam përpjekur që t’jua bëj të ditur rëndësinë që ka marrja e një vendimi pozitiv për popujt e këtyre vendeve sepse ka një mbështetje të konsiderueshme për BE nga popullsia në Maqedoninë e Veriut dhe Shqipëria”, u shpreh Petricek

Ndërsa ministri në detyrë Gent Cakaj, vlerësoi mbështetjen konkrete që Cekia po i jep Shqipërisë në procesin e anëtarësimit.

Palët konfirmuan se avancimi i Shqipërisë dhe i Maqedonisë së Veriut në proceset integruese është një sinjal pozitiv për rajonin, por dhe për sigurinë e vetë BE-së dhe procesin e zgjerimit.

Gjatë takimit u vlerësuan marrëdhëniet shumë të mira në aspektin dypalësh dhe u shpreh interesi që ky bashkëpunim i shkëlqyeshëm politik të kthehej në bashkëpunim ekonomik.

U vlerësua mbështetja konkrete që Çekia do të ofrojë për asistencë në procesin e integrimit, në marrjen e një vendi jo permanent në Këshillin e Sigurimit të OKB-së në të ardhmen si dhe u shpreh vullneti për thellimin e mëtejshëm të bashkëpunimit ekonomik e të investimeve në fusha me interes të përbashkët si energjia, turizmi, bujqësia, e të tjera.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça