George Ivanov refuzon të dekretojë ligjet e miratuara me emrin e ri të Maqedonisë

Presidenti i Maqedonisë George Ivanov ka refuzuar të dekretojë ligjet që janë miratuar me emrin Republika e Maqedonisë së Veriut.

Ka qenë vetë Kuvendi i Maqedonisë së Veriut që ka bërë të ditur se Presidenti Ivanov ka refuzuar të dekretojë plot 11 ligje.

Sipas Kuvendit të vendit fqinj, Ivanov ka refuzuar me arsyetimin se “gjatë ushtrimit të funksionit, gjithmonë ka vepruar në bazë të betimit të dhënë se do të mbrojë Kushtetutën dhe interesat e Republikës së Maqedonisë”.

LEXO EDHE:
Mos u zemëroni nëse diçka nuk shkon sipas planit...çfarë thonë yjet për ju sot

Mësohet se Ivanov nuk ka ka dekretuar as ligjet që ishin miratuar me dy të tretat e votave, që kryesisht kanë të bëjnë me reformat në gjyqësor, e që konsiderohen si kyçe për procesin e integrimit evropian të Maqedonisë së Veriut.

Edhe më herët Ivanov ka refuzuar të dekretojë edhe ligjin për gjuhën shqipe. Ndërsa në daljet publike ka kundërshtuar Marrëveshjen me Greqinë për ndryshimin e emrit, të arritur më 17 qershor, 2018, duke thënë se ajo nuk është në interesa të shtetit.

TAG:
• emri i maqedonise
• George Ivanov

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1636

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq