Geri Kokalari: Berisha më dërgoi njerëz në SHBA të më “blinte”, iu thashë ai është një copë plehre

Geri Kokalari: Berisha më dërgoi njerëz në SHBA të më “blinte”, iu thashë ai është një copë plehre

Sali Berisha dhe Geri Kokalari

Aktivisti shqiptaro-amerikan Geri Kokalari ka dhënë detaje se si mund të jetë hartuar dosja e amerikanëve për ish-kryeministrin Sali Berisha. Ky i fundit pretendon se e gjitha është një lojë e Ramës dhe Sorosit, por për Kokalarin nuk ka lidhje asnjë prej tyre me këtë çështje.

Në një intervistë për gazetarin Robert Papa në emisionin e tij “Fokus”, Kokalari tha se SHBA nuk ka nevojë fare për informacione nga Soros për dosjen e Berishës, pasi në Ambasadën amerikane 25 për qind e diplomatëve janë pjesë e CIA-s dhe e kanë ndjekur Berishën që prej vitit 91 dhe deri tani. Aktivisti u shpreh se nuk ka asnjë mënyrë që Soros të ketë bashkëpunuar me sekretarin Blinken për të sulmuar Berishën, pasi askush nuk mund t’i tregojë DASH-it se çfarë duhet të bëjë.

Kokalari po ashtu ka treguar sesi ish-kryeministri i ka telefonuar për të bashkëpunuar teksa ka dhënë më shumë detaje nga marrëdhënia me të dhe Fatos Nanon. Kokalari u ndal edhe tek një sërë çështjesh për të cilat u shpreh se shqiptarët kanë njohuri, si ngjarjet e vitit 97, çështja e Gërdecit si dhe lidhjet e tyre me ish-kryeministrin. Sipas aktivistit, Berisha edhe pse ishte dhe është një komunist, kishte aq zgjuarsi sa të përdorte fjalët e duhura për të ardhur në pushtet.

-Pse nuk e bën publike dosjen Departamenti Amerikan i Shteti , se një kongresmen e ka kërkuar?

Që e kërkon një kongresmen nuk do të thotë se mund ta marrë. Asnjë kongresmen nuk mund t’i thotë departamentit se çfarë duhet të bëjnë, Kongresi i tërë mbase po, por jo një kongresmen i veçantë. Unë i shkrova kongresmenit se cilin po mbron, që të jem më i sigurt se ai e njeh vërtetë Berishën dhe di diçka për të dhe jo për plehrat që flasin atje mbi Sorosin. Dua të them, Berisha flet vetëm për Sorosin, Soros kështu Soros ashtu, por ka të tjera çështje që ne e dimë shumë mirë se Soros nuk ka lidhje fare. Problemet e komunizmit ende vazhdojnë, mentaliteti ende ndot mendjet e shqiptarëve. Viti ’97-të e dërgoi mbase dy dekada pas. Por fatkeqësisht Berisha është si Donald Trump, janë të drejtuar në një mendim që mund të kthehen në pushtet, të marrin përsëri fuqinë dhe kontrollin.

-Një libër i ri rreth Soros i shkruar nga Mat Palumbo thotë se dosja e Berishës është përgatitur nga Dalina Fico, si mendoni?

Nuk e di nëse është e vërtetë, mos harro se ai libër është kundër Soros dhe unë nuk jam një tifoz i Sorosit. Por është shkruar nga dikush shumë i anshëm dhe unë nuk e di nëse është faktik. Nuk e di, e dyshoj. Po edhe nëse Soros të jetë i angazhuar për këtë, çfarë është përpjekur të bëjë? A i tha ai Blinkenit unë dua që ti të sulmosh Berishën? Nuk ka asnjë forcë, por ec e bëje këtë. Në asnjë mënyrë jo, nuk ka ndodhur kjo! Nëse ata kanë pasur diçka për Berishën, nuk i duhet fare Soros për atë dosje.

Të gjithë e dinë se CIA ka jetuar në ambasadën amerikane qysh me rënien e komunizmit. E quajnë vetën diplomatë, por të jeni të sigurt se janë edhe të CIA-s. 25% e tyre sigurisht, ata shikojnë se çfarë ndodh atje dhe kanë dosjet e tyre, nuk kanë nevojë për dosjen e Sorosit. Ka plot problematika që edhe qytetarët shqiptarë i dinë. Shqiptarët janë shumë të familjarizuar me vitin 1997, me Taçin dhe lidhjet që ai kishte me Berishën.

Po ashtu janë të familjarizuar me ngjarjen e Gërdecit dhe armëve. Ne e dimë kush ishte i përfshirë në gjithë atë histori. Ajo nuk mund të bëhej pa bashkëpunimin e qeverisë shqiptare. Unë e di një fakt se nuk ishte Soros ai i cili e solli atë dosje sepse isha unë ai që e solli atë dosje për New York Times. Kështu që Sorosi nuk është pas çdo problemi në Shqipëri. Pas çdo problemi në Shqipëri qëndron Berisha.

-A e keni mbështetur ju Berishën në vitet ’94-’95?

Po e kam mbështetur sepse isha naiv.

-Më kujtohet një takim te Hotel Plaza ku fole dhe e mbështete fort mos gaboj.

Po madje dhe u takova me Berishën gjithashtu. Gjithkush mbështeste Berishën në atë pikë kryesisht për disa arsye. Së pari ne pamë që Shqipëria po hapej pas komunizmit, ne mendonim se këtë nuk do ta shihnim kurrë, por Berisha erdhi dhe ishte aq i zgjuar sa thoshte gjërat e drejta edhe pse ishte komunist dhe mendoj se ende është një komunist. Thoshte unë e dua Amerikën, jam demokrat, unë do bëj gjithçka për demokracinë. Pra tha gjërat e drejta dhe unë si shqiptaro-amerikan doja të dëgjoja, kështu që ishte mirë. Por pastaj e njoha pak më mirë dhe kuptova që ai është një gënjeshtar, kuptova se ka diçka gabim nga ana psikologjike e tij dhe pastaj sigurisht ishte ngjarja në 97 ku ai refuzoi këshillat e ekspertëve. Ndërkohë mbështeti Alimuçën dhe Shqipëria mori flakë.

-Por ju e mbështetët Berishën edhe pas 1997, 2002, 2003 a e mban mend?

Kjo është absolutisht e saktë dhe korrekte, por më pas miku im Fatos Nano erdhi në pushtet dhe pashë që Nano po bëhej një problem për Shqipërinë. Pashë korrupsionin e Fatos Nanos. Unë kisha dhe vetë informacione, por gjithashtu dhe Berisha më dha informacione. Më telefonoi dhe dërgoi Linda Ishanin të më takonte në New York. Ajo erdhi në zyrën time dhe më tha, Berisha të respekton shumë dhe e sheh çfarë je duke bërë lidhur me Fatos Nanon dhe ai ka dëshirë të punojë me ju. Unë i thashë asaj jo, ai është një copë plehre, shkaktoi 97-ën dhe më ka gënjyer. Ajo më tha jo ti nuk e kupton, ai ka ndryshuar. Unë fola vetë me të në telefon. Berisha më tha jam shumë krenar për ty për atë që po bën me Fatos Nanon, dua të punoj me ty dhe dua të ndihmoj. Unë më pas sulmova Nanon, nuk jam i vetmi, por unë e ndihmova. Shumë thonë se jam i nevrikosur sepse Berisha më premtoi mua diçka. Po ai në fakt më premtoi diçka. Më premtoi se do të luftonte korrupsionin dhe do të rregullonte telekomin. Por ai nuk bëri asnjë nga këto.

-Fatkeqësisht ka kohë që është thënë nga ambasadorët amerikan, në mos gaboj nga Donald Lu që celulat antiamerikane kanë nisur në Shqipëri. Nuk mund të jemi më 100% amerikan sepse ka plot të majtë që nuk e duan Amerikën, por në përgjithësi populli shqiptar është pro amerikan. Por mesa duket problemi është nga të dyja palët, si nga opozita që po sulmon ashpër, por edhe nga diplomacia amerikane. Unë mbaj mend një takim me Pjetër Arbnorin në departament diku nga viti ’98 ku ai i pat thënë nën sekretarit të shtetit që me këtë rrugë do të bëni që pjesa më e madhe e opozitës të bëhet antiamerikane.

Ata punojnë me ata që janë në pushtet. Atë kohë ata punonin me Fatos Nanon. E dinin se kush ishte, por përsëri punonin me të. Por ata ishin shumë miqësor me Nanon. Megjithatë Berisha ishte shumë i zgjuar. Me ndihmën e njerëzve si unë sulmoi Nanon dhe erdhi në pushtet. Pasi erdhi në pushtet sigurisht që nuk donte të fliste më me mua.

-Unë mbaj mend se kur erdhët në Shqipëri në vitin 2005, ju pata në emisionin tim.

Po e drejtë, demokratët më donin mua atë kohë, ndihesha si hero. Unë vazhdoj të jem i njëjti dhe dua të bëj atë që është në interes të Shqipërisë. Nuk dua t’ia di për Ramën e as për Berishën. Rama nuk ka asnjë ndikim apo kontroll tek mua. Nuk mendoj se ai po bën ndonjë punë të keqe. Por nëse bën një punë të keqe, më sillni një dosje dhe unë e sulmoj edhe atë. Por nuk e kam një dosje kundër tij, por kam një kundër Berishës. Ndërkohë televizione që janë kundër Berishës më ftojnë mua sepse duan të përdorin ato që unë them. Më besoni, nëse unë do filloja të lavdëroja Berishën tani, mediat pranë tij do vijnë tek unë. Kjo është mënyra e funksionimit në Shqipëri.

Eshtë një rrëmujë, një mentalitet komunist. Para së gjithash, nivel i ulët ambasadorësh. Vendi ynë është si Gjermania, Anglia, Spanja. Diplomatët nuk shkojnë për karrierë, shkojnë tek të fuqishmit me para. Shiko kush i zë ato poste. Ndërkohë Shqipëria është një vend i vogël, është si një vend ku trajnojnë ambasadorët. Ata e përdorin si fushë trajnimi. Nuk do të shikoni kurrë një person me shumë influencë që të marrë poste në Shqipëri. Do jetë gjithmonë një diplomat që kërkon karrierë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 31/12/2021 02:56

    Berisha e ka bere vete dosjen e tij me numerat qe ben e gjirizet qe trazon,por jam kurioze pse eshte bere armik per vdekje me Sorosin,cfare i ka kerkuar dhe nuk ia ka plotesuar?Pasi kemi degjuar anatemat dhe akuzat ndaj tij te Sales,ka ardhur koha qe mediat dhe gazetaret t'i marrin nje interviste speciale z.Soros.E dime, qe ai as merret,as humb kohen me te tille njerez te nivelit te Berishes,por publiku shqiptar duhet te degjoje te verteten nga vete goja e Sorosit,qe te merret vesh e verteta me ne fund,ne lidhje me akuzat.

    Përgjigju
  • Loni: 30/12/2021 17:55

    Aman mor derman me keto figura sarkazmatike qe dalin edhe na bejne te kulluarin mos shiko me filma me triller o zoteri se jemi ne realitet ketu te paska sjellur berisha njerez per te korruptuar apo blere . Berisha tregoj edhe njehere qe eshte lidership lale me mbledhjen e gjithe asaj shtrese popullsie... Edhe ne fund te jetes prap zjarr si lidership me kete shtrese shoqerore te gjore... Artikuj 2 leksh...

    Përgjigju
  • Mondi: 30/12/2021 15:22

    Dy gjera kapa une nga ky personazhi i Shvejkut. Se pari ne fillim u ben elozhe karaktereve kriminale si Berisha, Nano dhe Rama. Se dyti, sapo keta marrin tatepjeten, u jep ndonje dore.

    Përgjigju
  • Qwert: 30/12/2021 15:09

    Berisha trim mbi trimat...

    Përgjigju
  • Qytetari: 30/12/2021 14:55

    Nje pyetje kam per te gjithe Shqipetareve ? Jane dy kokalare Nje grua qe perkrah Berishizmin dhe nje Burre qe i del balle per balle kundra Berishes duke e Akuzuar me fakte Me jepni nje mendim te lutem

    Përgjigju
  • Tani: 30/12/2021 14:28

    Tani qe nuk e ndihmoka Kokalari paska mar fund Berisha.

    Përgjigju
    • fiks: 30/12/2021 14:36

      tamam eke. ketij gomarit kokalari i duket sikur bota dhe bashke me te dhe shqiperia rotullohet reth tij. lereni ne idiotllikun eti ....

  • Katarakti: 30/12/2021 11:51

    Berisha dhe Meta duhet te dalin perpara nje gjykate dhe te gjykohet ne se i ksne bere keto krime qe i dime te gjithe qe kane ndodhur! Vetem atehere qetesohet Shqiperia!

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lufta në Ukrainë/ Putin: Do të godisnim avionët F-16 të përdorur nga Ukraina edhe në aeroportet e NATO-s! Scholz: As trupa, as raketa Taurus në Kiev

Lufta në Ukrainë/ Putin: Do të godisnim avionët F-16 të përdorur nga Ukraina edhe në aeroportet e NATO-s! Scholz: As trupa, as raketa Taurus në Kiev