VKM/ Gerta Lubonja emërohet kryetare e Komisionit Kombëtar Rregullator të sektorit të ujit

Tiranë – Me vendim të Këshillit të Ministrave, Gerta Lubonja u emërua sot në detyrën e kryetares së Komisionit Kombëtar Rregullator të Sektorit të Furnizimit me Ujë dhe të Largimit e të Përpunimit të Ujërave të Ndotura.

Ky emërim është bërë në mbështetje të nenit 100 të Kushtetutës dhe nenit 4 të ligjit nr. 8102, datë 28.3.1996, “Për kuadrin rregullator të sektorit të furnizimit me ujë dhe të largimit e të përpunimit të ujërave të ndotura”, të ndryshuar, me propozimin e Kryeministrit.

Vendimi hyn në fuqi menjëherë dhe është botuar në “Fletoren Zyrtare”.

Lubonja ka mbajtur edhe postin e Drejtoreshës së Agjencisë së Menaxhimit të Burimeve Ujore.

S.G/SI.E./Shqiptarja.com

TAG:
• gerta lubonja
• komisioni kombetar i ujit