Giusy Ferreri magjeps fansat, mbi
2 orë live në sheshin 'Nënë Tereza'FOTO/Ferreri e veshur kuqezi në skenë

Këngëtarja e njohur italiane Giusy Ferreri ka magjepsur për mbi dy orë 'live' të gjithë fansat e shumtë që ishin mbledhur në sheshin "Nënë Tereza", për të ndjekur performancën e saj.
 
Entuziasmuese ishte edhe performanca e saj në veshje në skenë ku dominonte "kuq e zi"-ja, për nder të festave kombëtare të Shqipërisë, Ditës së Flamurit dhe Çlirimit.  

Ajo ka kënduar disa nga këngët më të njohura nga repertori i sja i pasur muzikor si “Novembre", "Bangkok", "Ma il cielo è sempre più blu", "Volevo te", duke i dhuruar kështu publikut shqiptar në këtë "Natë të Bardhë" një mbrëmje për të mos u harruar.
 
Këngëtarja e njohur italiane është pritur në shesh me shumë entuziazëm nga fansat, të cilët kanë sfiduar të ftohtin për të parë perfomancat e saj të mrekullueshme.

[gallery]19933[/gallery]
Fotogaleri 

(Këngëtarja e njohur italiane Giusy Ferreri)

Fotot: Antonio Çakshiri/Shqiptarja.com


(Video nga koncerti)



Por cila është biografia e këngëtares që performoi mbrëmjen e sotme në kryeqytet?
 
Emri i vërtetë i këngëtares është Giuseppa Ferreri dhe të gjithë e njohin si Giusi. Ka lindur në 18 prill të vitit 1979 në Palermo. Giusy Ferreri ka filluar të këndojë qysh në moshë të vogël duke ndjekur pasionin e saj, të kënduarin dhe ka marrë pjesë në festivale të ndryshme për fëmijë.
 
Origjina e saj është nga Sicilia edhe pse ngaherë ka jetuar në periferi të Milanos. Pasioni i saj për botën e muzikës e shtyu që në moshën 14-vjeçare të studiojë kanto dhe piano. Ka qenë pjesëtare e bandave të ndryshme muzikore me të cilat ka eksperimentuar lloje të ndryshme të muzikës.
 
Talenti i saj spikati në vitin 2008 gjatë talent show-t “X Factor” dhe më pas asgjë s’do ta ndalte suksesin e saj, duke u bërë një nga zërat më të dashur për publikun Italian por jo vetëm. Kryetari i Bashkisë së Tiranës, Erion Veliaj, i dorëzoi dje pasdite “Çelësin e Qytetit” këngëtares së njohur italiane.
 
Bashkia e Tiranës, kishte organizuar një sërë aktivitetesh për mbrëmjen e "Natës së Bardhë", por këngëtarja italiane ishte pjesa kulminante e kësaj mbrëmje.
 
Nisma për “Natën e Bardhë” vjen si një traditë që nga koha kur Kryeministri i vendit Edi Rama, ishte kryetar i bashkisë së Tiranës.





[gallery]19927[/gallery]