Në pritje të marrjes së një zgjidhje ligjore nga ana e drejtësisë, kampet e Shëngjinit dhe Gjadrit, duket se do te boshatisen edhe nga stafi përveç faktit që nuk kanë azilkërkues. Nga kjo e shtunë stafi I përkujdesjes kryesisht ata mjekësor do të ndërpresin marrëdhëniet e punës.

Gazeta italiane La Repubblica shkruan, se qeveria italiane ka ndërprerë kontratat me këtë pjesë të stafit, ndërsa që prej kësaj fundjave në Shëngjin dhe në Gjadër do të mbeten vetëm disa policë italianë.

Qeveria italiane ka këmbëngulur se misionet me azilkërkuesit do të vijojnë, por siç thotë gazeta, ndërprerja e kontratave të punës për stafin shëndetësor thotë të kundërtën.

Qeveria Meloni mbetet në pritje të vendimit të gjykatës europiane në fund të këtij muaji për çështjen e shumë debatuar.