Gjaku i gjarprit të forcon zemrën

Sipas një studimi të kryere mbi minjtë, injektimi i plazmës së gjakut të gjarprit ka arritur të rrisë masën e zemrës së minjve. Zbulimi mund të jetë një kurë e mundshme e trajtimit të dëmtimeve të zemrës.

Te njeriu një rritje e përmasave të zemrës është shenjë e një problemi shëndetësor. Infarketet e zemrës, tensioni i lartë i gjakut dhe defektet në valvulat e zemrës detyrojnë zemrën të punojë më tepër dhe rrit përmasat e saj, për të përballuar ngarkesën e lartë. Rritja mund të sjellë dëmtime të zemrës dhe të ulë eficencën e absorbimit të ushqimit nga qelizat e zemrës.

Zemra e pitonit brumez pëson gjithashtu një rritje. Pas konsumimit të një sasie të lartë ushqimi, organi dyfishon përmasat e tij për të pompuar lëndën ushqyese të re në trup. Kjo rritje, gjithsesi, nuk ka efekte anësore dhe nuk është e përhershme, zemra merr përmasat e saj të mëparshme pasi ka mbaruar punë.

Në mënyrë të ngjashme edhe rritja e zemrës te njeriu nuk është gjithnjë negative. Një hormon i ngjashëm me insulinën i quajtur “insulin-like groëth factor 1” (IGF-1), i prodhuar gjatë sforcimit fizik, shkakton bymimin e zemrës që të plotësoj kërkesën e qelizave për më tepër oksigjen. Kur rritja ndodh në këtë mënyrë nuk pësohen dëmtime.

Pas ushqimit, gjaku i gjarprit përmban acide yndyrore, disa prej të cilëve dyshohen si shkaktar të rritjes së përmasave të zemrës.

Për të parë nëse gjaku i pasuruara me këto acide yndyrore ka të njëjtin efekt edhe në qelizat e kafshëve të tjera, Laslie Leinwad nga universiteti kolorados, mbolli in-vitro qelizat e zemrës së minjve me plazmën e gjakut të një gjarpri të porsa ushqyer. U vëzhgua se qelizat kishin një aftësi më të lartë të procesonin yndyrat dhe rrisnin metabolizmin e tyre. Gjaku i gjarprit shkaktoi në qelizat e minjve edhe uljen e prodhimit të NFAT – një proteinë e krijuar kur zemra stresohet.

Leinwad beson se zbulimi mund të sjellë trajtime të reja për forcimin e e zemrës dhe kurimin e dëmtimeve të saj.