Receta

Gjellë me bizele dhe patate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 12 Dhjetor, 11:47 | Përditesimi: 12 Dhjetor, 11:49

Gjellë me bizele

Përbërësit:

500 gr bizele (të freskëta / ngrira)
2 patate mesatare
1 karotë
1 qepë e vogël
2 thelpinj hudhër
3-4 lugë gjelle vaj ulliri
2 domate / 2 lgj salcë domateje
1 litër ujë / lëng perimesh
1 gjethe dafine
1 lç spec i kuq i ëmbël
Kripë, piper i zi

Përgatitja:

LEXO EDHE:
Bakllava me arra nga zonja Albana

Në një tenxhere ngrohim vajin e ullirit dhe kaurdisim qepën derisa të zbutet dhe të marrë një ngjyrë të artë. Shtojmë hudhrën dhe karotën, duke i përzier për 2-3 minuta. Më pas shtojmë domatet e grira ose salcën e domates dhe i gatuajmë derisa të avullojë uji i tepërt. Shtojmë bizelet, patatet dhe gjethen e dafinës dhe i përziejmë mirë duke shtuar më pas ujë ose lëng perimesh derisa të mbulohen perimet. E lëmë gjellën të gatuhet në temperaturë nën mesatare për 25-30 minuta. Në fund rregullojmë shijen me kripë dhe erëza sipas dëshirës.