Modelja e njohur britanike është gjetur e vdekur mbrëmjen e kaluar. Bëhet fjalë për 21-vjeçaren Mairead O’Neil, e cila vetëm para 10 muajsh humbi të ëmën pas luftës me kancerin. Shefja e agjencisë së modelingut, Cathy Martin, e cila kishte punuar me modelen për 6 vjet është shprehur per mediat se gjendja shpirtërore e modeles ishte mjaft e rënduar.
“Nuk e dimë tamam se çfarë ka ndodhur, por ajo po kalonte një periudhë shumë të vështirë pas vdekjes së të ëmës, që nuk i mbijetoi dot kancerit. Kishte shumë mbështetje, por zemrën e kishte copë. Është kaq e trishtë të mendosh se edhe ajo u largua nga kjo jetë për t’iu bashkuar së ëmës,”- tregon Martin.