Gjendet vajza 2 vjecare
një ditë pas vrasjes së nënës

Tiranë – Një ditë pas krimit që tronditi kryeqytetin në ditën e shenjtë të “Kurban Bajramit” në familjen Hysa, policia ka gjetur vajzën e tij dy-vjeçare, që Ismet Hysa e mori me vete, pasi theri me thikë gruan.

Burime nga policia e kryeqytetit bëjnë të ditur se vogëlushja u gjet pasditen e të hënës, pranë të afërmve të policit 40-vjeçar, i cili është zhdukur pa lënë gjurmë.

Policia po punon intensivisht për gjetjen e Ismet Hysës, ndërkohë që për dorëzimin e tij në polici janë duke bashkëpunuar edhe të afërmit e autorit të krimit.

Ismet Hysa, i cili punon si polic privat, mendohet se mund të jetë fshehur në Tropojë, e cila është edhe vendlindja e tij, andaj policia e Tiranës po bashkëpunon edhe me Komisariatin e Tropojës për kapjen e tij.