SHBA po vlerëson furnizimin e Ukrainës me bomba thërrmuese prej shumë kohësh, tha Gjenerali Mark Milley, komandanti i shtatmadhorisë amerikane. Ai theksoi më tej se trupat ruse po i përdorin tashmë në Ukrainë dhe se forcat e Kievit i kanë marrë tashmë këto municione nga aleatët e tjerë.
Deklarata vjen pasi zyrtarët ukrainas kanë shprehur zhgënjimin e tyre ditët e fundit, duke i bërë thirrje Uashingtonit dhe Perëndimit që t'i ofrojnë armatim më të avancuar për të ndihmuar në shkatërrimin e pozicioneve mbrojtëse ruse dhe për të rimarrë më shumë territor.
“Ukrainasit i kanë kërkuar, vendet e tjera evropiane i kanë siguruar, rusët po i përdorin", tha Milley, duke shtuar se nga ana e SHBA-së "ka një proces vendimmarrjeje në vazhdim".
Gjenerali nuk pranon se kundërofensiva e Ukrainës po ecën ngadalë.
Do të sjellë rezultate, edhe nëse do të duhen gjashtë deri në tetë javë përpara se forcat ukrainase të bëjnë përparime më thelbësore.
Lufta në letër dhe lufta e vërtetë në terren janë dy gjëra të ndryshme", tha komandanti i shtatmadhorisë amerikan, Gjenerali Mark Milley, gjatë një diskutimi në Uashington të premten.
"Fakti që po ecën më ngadalë nga sa parashikuan njerëzit nuk më befason aspak", tha gjeneral Milley duke vënë në dukje se forcat ukrainase po "përparojnë në mënyrë të qëndrueshme dhe të organizuar".
“Do të jetë shumë e vështirë, shumë e gjatë, shumë e përgjakshme dhe askush nuk duhet të ketë iluzione për këtë", tha ai.
Bombat thërmuese janë predha të cilat hapen në ajër dhe hedhin predha më të vogla mbi një zonë shumë më të gjërë. Përdorimi i këtyre armëve kundërshtohet nga një numër organizatash humanitare, të cilat thonë se ato kanë një shkallë të lartë dështimi dhe shpesh shkaktojnë viktima në mesin e civilëve.
Nuk është i qartë çfarë qëndrimi do të mbanin vendet e NATO-s nëse SHBA do të furnizonte Ukrainën me këto armë, pasi më shumë se 2/3 e 30 shteteve të Aleancës kanë firmosur një konventë në 2010 që ndalon përdorimin e tyre. Ndërkohë SHBA, Rusia dhe Ukraina nuk e kanë firmosur këtë konventë.
Lajmi kryesor:
Lufta/ Gjenerali amerikan: Po vlerësojmë mundësinë e furnizimit të Ukrainës me bomba thërmuese! Rusët sulmojnë urën e lumit Dnieper
Lajme të tjera
-
Poloni, fermerët bllokojnë kalimin kufitar me Ukrainën
23 Nëntor, 20:39 -
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00 -
Përdorimi i raketave të avancuara nga Rusia, sinjal për Perëndimin
22 Nëntor, 07:40 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
VIDEO/ Zëdhënëses ruse i bie telefoni në konferencë: Mos fol për sulmin me raketë balistike ndërkontinentale ndaj Ukrainës
21 Nëntor, 15:53
