Prokurorët federal kanë deklaruar se është arrestuar një shtetas tunizian, 40 vjeç, i cili dyshohet të ketë pasur lidhje me sulmin terrorist të realizuar nga tuniziani, Anis Amir, në tregun e Krishtlindjeve në Berlin.
“Personi i arrestuar dyshohet se mund të ketë pasur lidhje me sulmin e Berlinit”, ka deklaruar prokuroria federale, e cila nuk ka bërë të ditur identitetin e shtetasit tunizian.
Gjithashtu në telefonin e të arrestuarit është gjetur edhe numri i telefonit i autorit të sulmit, 24-vjeçarit, Anis Amir.
Ende nuk është kërkuar një urdhër arresti zyrtar dhe sipas ligji gjerman, prokurori ka kohë deri të enjten për të kërkuar një të tillë.
Redaksia Online
D.T/Shqiptarja.com