POP 5

Lajmet më të lexuara të 5 minutave të fundit

Arkiva

GJERMANI – ”Germanwings”: 150 persona në bordin e avionit të rrëzuar në Francë

BERLIN, 24 mars /ATSH-AFP/ – Avioni i kompanisë gjermane ”Germanwings” që u rrëzua sot në mëngjes në Francë transportonte 150 persona, 144 pasagjerë dhe gjashtë anëtarë të ekuipazhit, theksoi drejtuesi i kompanisë në një deklaratë të shkurtër televizive. “Duke parë informacionet e disponueshme, për momentin nuk mund të themi nëse dhe sa të mbijetuar ka”, […]
Avioni i kompanisë gjermane "Germanwings" që u rrëzua sot në mëngjes në Francë transportonte 150 persona, 144 pasagjerë dhe gjashtë anëtarë të ekuipazhit, theksoi drejtuesi i kompanisë në një deklaratë të shkurtër televizive.
"Duke parë informacionet e disponueshme, për momentin nuk mund të themi nëse dhe sa të mbijetuar ka", deklaroi drejtuesi, Oliver Wagner,për stacionin televiziv gjerman n-tv.
Më herët autoritetet franceze njoftuan për 148 persona në bordin e avionit, gjashtë prej të cilëve anëtarë të ekuipazhit.
Avioni i filialit të Lufthansa-s kryente fluturime të linjës nga Barcelona në Spanjë në Dysseldorf në Gjermani.
"Ai u rrëzua pranë Barcelonnettes në juglindje të Francës. Aksidenti ndodhi rreth orës lokale 11:20 (10:20 GMT)", theksoi Wagner duke shtuar se nuk mund të jepte asnjë informacion për zhvillimin e ngjarjeve.
Sipas presidentit francez, Francois Hollande, shtetas spanjollë, gjermanë dhe padyshim turq bëjnë pjesë mes 150 të vdekurve të dyshuar./atsh/

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50