POP 5

Lajmet më të lexuara të 5 minutave të fundit

Arkiva

Gjermani, kapet banda, çoi në
vite 5.6 ton drogë nga Shqipëria

Autoritetet doganore shkatërojnë bandën e trafikut të drogës që vinte nga Shqipëria dhe që për vite kishte arritur të çonte në Gjermnai rreth 5,6 ton marijuanë. Sasia e fundit e sekuestruar i përket tetorit të vitit 2013-të, 645 kg marijuanë të fshehura në blloqe betoni. Droga nga Shqipëria, destinacion Gjermaninë, Italinë dhe Hollandën. Ministria e Brendshme: Autoritetet gjermane njoftuan për grupin e trafikut në tetor 2013. FOTO /VIDEO
GJERMANI- Autoritetet doganore kanë arritur që të shkatërojnë bandën e trafikut të drogës që vinte nga Shqipëria. Trafikantët kanë arritur të çojnë në Gjermnai për një periudhë kohe rreth 5,6 ton marijuanë. Sasia e fundit e sekuestruar i përket tetorit të vitit 2013-të, 645 kg marijuanë të fshehura në blloqe betoni. Lënda narkotike ishte e paketuar në një kamion, që duhej të transportonte gurë natyralë graniti, por brenda blloqeve të betonit të kamufluar gjendej e fshehur droga.

Mësohet se policia gjermane ka ndaluar 8 persona dhe një i 9-të është kapur nga autoritetet austriake, të arrestuarit janë të moshave 30-49 vjeç. Si krerë të këtij grupi trafikantësh janë arrestuar 2 vëllezër 44 dhe 49 vjeç. Autoritetet gjermane nuk kanë bërë të ditur emrat e të arrestuarve apo origjinën e tyre.

Marijuana, sipas autoriteteve të Nurembergut vinte nga Shqipëria dhe kishte si destinacion Gjermaninë, Italinë dhe Hollandën.

Shkatërrimi i këtij rrjeti trafikantësh ka ardhur pas një hetimi 6 mujor nga policia e Bavarisë dhe Saksonisë. Në tregun e zi droga q trafikuar do të sillte një fitim prej 50 milionë euro për trafikantët.

Zbulimi i drogës është bërë nga qentë e antidrogës të cilët kanë nuhatur për rreth blloqeve të gurëve që sipas letrave supozoheshin të ishin rreth 17 ton granit. Pasi kanë filluar prishjen e betonit zyrtarët kanë gjetur marijuanën.

Ministria e Brendshme shqiptare ka dhënë detaje për grupin e trafikut të drogës që u kap në Gjermani
Sipas Ministrisë së Brendshme autoritetet gjermane njoftuan për grupin e trafikut të drogës në muajin tetor 2013. “Menjëherë pas kërkesës gjermane u regjistrua procedimi Nr 233 nga prokurori Olsi Çela”. –sqaron Ministria e Brendshme.

Nga të dhënat e MB mësohet se ngarkesa e fundit e këtij grupi që është sekuestruar i përket tetorit 2013. “Periudhë në të cilën autoritetet gjermane sekuestruan  800 kg marijuanë duke vijuar hetimet që konkluduan me arrestimet e fundit”- përfundon Ministria e Brendshme.


FOTO TE TJERA
droga gjermani
droga gjermani



Redaksia Online
(a.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Shkodër/ Tritol hotelit në Theth, ja kush janë pronarët (EMRAT)

Shkodër/ Tritol hotelit në Theth, ja kush janë pronarët (EMRAT)

12 Janar, 12:57